ഇരിങ്ങാലക്കുട : വെള്ളാങ്ങല്ലൂർ ബ്ലോക്ക് പഞ്ചായത്തിലെ കോണത്തുകുന്ന് ഡിവിഷൻ മെമ്പർ അയൂബ് കരൂപ്പടന്ന തന്റെ ബ്ലോക്ക് ഡിവിഷനിലെ 5 വാർഡുകൾ ഭിന്നശേഷി സൗഹൃദമാക്കുന്നതിനായി ആവിഷ്കരിച്ച “ഹൃദയപൂർവ്വം” പദ്ധതിക്ക് തുടക്കമായി.
ബ്ലോക്ക് പഞ്ചായത്ത് പ്രസിഡന്റ് വത്സല ബാബു പദ്ധതിയുടെ ഉദ്ഘാടനം നിർവഹിച്ചു.
ചടങ്ങിൽ അയൂബ് കരൂപ്പടന്ന അധ്യക്ഷത വഹിച്ചു.
ത്രിതല പഞ്ചായത്ത്, സ്വകാര്യ സ്ഥാപനങ്ങൾ, സ്വകാര്യ വ്യക്തികൾ എന്നിവരുടെ സഹായത്തോടെ ഡിവിഷനിലെ എല്ലാ ഭിന്നശേഷിക്കാർക്കും സഹായ ഉപകരണങ്ങൾ, സ്വന്തമായി വരുമാനം ലഭിക്കുന്ന തൊഴിൽ സഹായം എന്നിവ നൽകുന്നതാണ് പദ്ധതി.
ചടങ്ങിൽ ആദ്യ സഹായ ഉപകരണം കൈമാറി. കരൂപ്പടന്നയിലെ ഇരുകാലുകളും ജന്മനാ തളർന്ന 38 വയസ്സുള്ള പള്ളിപ്പറമ്പിൽ ഫൈസലിന് പ്രവാസി വ്യവസായി സ്പോൺസർ ചെയ്ത ആധുനിക ഇലക്ട്രിക് വീൽചെയറാണ് കൈമാറിയത്.
വെള്ളാങ്ങല്ലൂർ പഞ്ചായത്ത് പ്രസിഡന്റ് സുലേഖ അബ്ദുള്ളക്കുട്ടി, പഞ്ചായത്ത് അംഗങ്ങൾ എ.എ. മുസമ്മിൽ, പ്രീതി രാജശേഖരൻ, ഹൃദയപൂർവ്വം പ്രോഗ്രാം കോർഡിനേറ്റർ ഷുക്കൂർ ഇടപ്പുള്ളി, എം.എച്ച്
ബഷീർ, ഫസൽ പുത്തൻകാട്ടിൽ എന്നിവർ പ്രസംഗിച്ചു.
Leave a Reply