ഇരിങ്ങാലക്കുട : വ്യവസായ വാണിജ്യ വകുപ്പിന്റെയും ഇരിങ്ങാലക്കുട ബ്ലോക്ക് പഞ്ചായത്തിന്റെയും ആഭിമുഖ്യത്തിൽ കാറളം, കാട്ടൂർ, പറപ്പൂക്കര, മുരിയാട് പഞ്ചായത്തുകളിലെ സംരംഭകർക്കായി സംരംഭകത്വ പൊതുബോധവൽകരണ ശിൽപശാല സംഘടിപ്പിച്ചു.
ബ്ലോക്ക് പഞ്ചായത്ത് വൈസ് പ്രസിഡന്റ് നിമിഷ ശ്രീനിവാസൻ അധ്യക്ഷത വഹിച്ചു.
ബ്ലോക്ക് പഞ്ചായത്ത് പ്രസിഡന്റ് ടി.ജി. ശങ്കരനാരായണൻ ശില്പശാല ഉദ്ഘാടനം ചെയ്തു.
വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ എൻ.ബി. പവിത്രൻ, ബ്ലോക്ക് പഞ്ചായത്ത് മെമ്പർ അജയൻ തറയിൽ, പ്രസീന സജയൻ, ബ്ലോക്ക് പഞ്ചായത്ത് സെക്രട്ടറി കെ.കെ. നിഖിൽ എന്നിവർ ആശംസകൾ അർപ്പിച്ചു.
വ്യവസായ വികസന ഓഫീസർ കെ.വി. വിജിൻ സ്വാഗതവും വ്യവസായ വകുപ്പ് ബി.ഡി.എസ്.പി. വൈശാഖ് നന്ദിയും പറഞ്ഞു.
തുടർന്ന് ഡിജിറ്റൽ മാർക്കറ്റിംഗ്, വ്യവസായ വകുപ്പ് പദ്ധതികൾ തുടങ്ങിയ വിഷയങ്ങളിൽ സംരംഭകത്വ ബോധവൽക്കരണ ക്ലാസുകൾ നടന്നു.
Leave a Reply