ഇരിങ്ങാലക്കുട : മോഹിനിയാട്ടം ആചാര്യ നിർമ്മല പണിക്കർക്ക് ഷഡ്കാല ഗോവിന്ദമാരാർ പുരസ്കാരം നടനകൈരളിയിലെ നിറഞ്ഞ സദസ്സിൽ വെച്ച് മന്ത്രി ഡോ. ആർ. ബിന്ദു സമർപ്പിച്ചു.
‘ദേശി’ മോഹിനിയാട്ടത്തിൻ്റെ പുനരുജ്ജീവനത്തിലൂടെ കലാമണ്ഡലം കല്യാണിക്കുട്ടി അമ്മയുടെ മഹത്തായ പാരമ്പര്യത്തിന് ഒരു പിന്തുടർച്ച സൃഷ്ടിച്ചതാണ് ഗുരു നിർമ്മല പണിക്കരുടെ സംഭാവനയെന്ന് മന്ത്രി ആർ. ബിന്ദു അഭിപ്രായപ്പെട്ടു.
പ്രൊഫ. ജോർജ്ജ് എസ്. പോൾ അധ്യക്ഷത വഹിച്ചു.
കേരള കലാമണ്ഡലം മുൻ വൈസ് ചാൻസലർ ഡോ. ടി.കെ. നാരായണൻ മുഖ്യാതിഥിയായിരുന്നു.
തുടർന്ന് സിത്താര ബാലകൃഷ്ണന്റെ നേതൃത്വത്തിൽ ‘നൃത്തസമർപ്പണം’ അരങ്ങേറി.
Leave a Reply