ഇരിങ്ങാലക്കുട : മാറിയ വിദ്യാഭ്യാസ രീതിക്കനുസരിച്ച് വികസിക്കേണ്ടത് വിദ്യാർഥികളുടെ കഴിവുകളാണെന്നും ശാസ്ത്രരംഗത്തെ ഏറ്റവും ബുദ്ധിമുട്ടേറിയ ഇടങ്ങളിലും സ്ത്രീ സാന്നിദ്ധ്യവും മികവും ഭംഗിയായി അടയാളപ്പെടുന്ന കാലത്ത് സാമൂഹ്യ പ്രതിബദ്ധതയോടെ കാര്യങ്ങൾ ചെയ്യാനറിയുന്ന യുവജനങ്ങൾ ഭാവിയുടെ വലിയ പ്രതീക്ഷയാണെന്നും കുഫോസ് വിസി ഡോ. എ. ബിജുകുമാർ അഭിപ്രായപ്പെട്ടു.
ഇരിങ്ങാലക്കുട സെന്റ് ജോസഫ്സ് കോളെജിൽ സംഘടിപ്പിച്ച 62-ാമത് കോളെജ് ദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
വിദ്യാഭ്യാസ മേഖലയിലെ സമഗ്ര പരിഷ്കാരങ്ങൾ ഉൾക്കൊള്ളാൻ നാം പ്രാപ്തരാണെന്നും അദ്ദേഹം കൂട്ടിച്ചേർത്തു.
കോളെജ് മാനേജർ ഡോ. സിസ്റ്റർ ട്രീസ ജോസ് അധ്യക്ഷത വഹിച്ചു.
പി.ടി.എ. വൈസ് പ്രസിഡന്റ് ഡോ. പി.എൻ. ഗോപകുമാർ, വാർഡ് കൗൺസിലർ പി.വി. ശിവകുമാർ എന്നിവർ ആശംസകൾ അർപ്പിച്ചു.
മികച്ച നേട്ടങ്ങൾ സ്വന്തമാക്കിയ അധ്യാപകരെയും വിദ്യാർഥിനികളെയും ചടങ്ങിൽ ആദരിച്ചു.
യൂണിയൻ ചെയർപേഴ്സൺ അഫ്ല സിമിൻ സ്വാഗതവും ഫൈൻ ആർട്സ് സെക്രട്ടറി റെയ്ച്ചൽ റോസ് നന്ദിയും പറഞ്ഞു.
Leave a Reply