ഇരിങ്ങാലക്കുട : ആധാരം എഴുത്ത് അസോസിയേഷൻ ഇരിങ്ങാലക്കുട യൂണിറ്റിന്റെ ജനറൽ ബോഡി യോഗം നഗരസഭ വൈസ് ചെയർപേഴ്സൺ ചിന്ത ധർമ്മരാജൻ ഉദ്ഘാടനം ചെയ്തു.
യൂണിറ്റ് പ്രസിഡൻ്റ് വിൽസൺ തെക്കേക്കര അധ്യക്ഷത വഹിച്ചു.
സംസ്ഥാന ഉപദേശക സമിതി ചെയർമാൻ ഒ.എം. ദിനകരൻ മുഖ്യപ്രഭാഷണം നടത്തി.
യോഗത്തിൽ നഗരസഭ കൗൺസിലർ പി.യു. ബാബുവിന് സ്നേഹാദരം നൽകി.
ജില്ലാ പ്രസിഡൻ്റ് പി.പി. പ്രകാശ് കുമാർ, ജില്ലാ സെക്രട്ടറി തോമസ് വടക്കൻ, ജില്ലാ ട്രഷറർ ടി.എച്ച്. അഷ്കർ , ജില്ലാ ഉപദേശക സമിതി ചെയർമാൻ ഒ.കെ. സോമൻ, സംസ്ഥാന കമ്മിറ്റി അംഗവും ജേണൽ ഓർഗനൈസറുമായ സിനീഷ് പുന്നക്കുഴി, ജില്ലാ ജോയിൻ്റ് സെക്രട്ടറി മോഹൻദാസ് എന്നിവർ പ്രസംഗിച്ചു.
ആധാരം എഴുത്ത് തൊഴിലും തൊഴിലാളികളെയും നിലനിർത്തിക്കൊണ്ട് മാത്രം കമ്പ്യൂട്ടർവൽക്കരണം നടപ്പിലാക്കാവൂ എന്നും തയ്യാറാക്കൽ/ കൈപ്പട പരീക്ഷകൾ എത്രയും വേഗം നടത്തണമെന്നും യോഗം സർക്കാരിനോട് ആവശ്യപ്പെട്ടു.
യൂണിറ്റ് ട്രഷറർ അംബിക വരവു ചെലവ് കണക്ക് അവതരിപ്പിച്ചു.
യൂണിറ്റ് സെക്രട്ടറി ഷജീവ് കുമാർ സ്വാഗതവും സി.കെ. ജയകൃഷ്ണൻ നന്ദിയും പറഞ്ഞു.
Leave a Reply