ഇരിങ്ങാലക്കുട : നടവരമ്പ് ഗവ. മോഡൽ ഹയർ സെക്കൻ്ററി സ്കൂളിൽ ഹയർ സെക്കൻ്ററി വിഭാഗം എൻ.എസ്.എസ്., ഗൈഡ്സ് യൂണിറ്റുകളുടെ ആഭിമുഖ്യത്തിൽ ഭക്ഷ്യമേളയും ഔഷധസസ്യ പ്രദർശനവും നടത്തി.
വെള്ളാങ്ങല്ലൂർ ബ്ലോക്ക് പഞ്ചായത്ത് മെമ്പർ വിജയലക്ഷ്മി വിനയചന്ദ്രൻ ഭക്ഷ്യമേള ഉദ്ഘാടനം ചെയ്തു.
വേളൂക്കര പഞ്ചായത്ത് അംഗം മാത്യു പാറേക്കാടൻ ഔഷധസസ്യ പ്രദർശനത്തിന്റെ ഉദ്ഘാടനം നിർവ്വഹിച്ചു.
പ്രിൻസിപ്പൽ എം.കെ. പ്രീതി, ഹെഡ്മിസ്ട്രസ് വി.എം. ഉഷ, വൊക്കേഷണൽ ഹയർ സെക്കൻ്ററി വിഭാഗം പ്രിൻസിപ്പൽ കെ.പി. അനിൽ, അധ്യാപകർ എന്നിവർ സന്നിഹിതരായിരുന്നു.
സ്കൂളിൽ പഠിക്കുന്ന നിർധനരായ കുട്ടികളുടെ കുടുംബങ്ങൾക്ക് ഓണക്കിറ്റ് തയ്യാറാക്കി നൽകുന്നതിനു വേണ്ടിയുള്ള ധനസമാഹരണത്തിന്റെ ഭാഗമായാണ് മേള സംഘടിപ്പിച്ചത്.
നമ്മുടെ പരിസര പ്രദേശങ്ങളിൽ സമൃദ്ധമായി കാണപ്പെടുന്നതും പുതുതലമുറക്ക് സുപരിചിതവുമല്ലാത്ത വിവിധ ഔഷധസസ്യങ്ങൾ കുട്ടികളെ തിരിച്ചറിയാൻ സഹായിക്കുന്നതിനും അവയുടെ ഗുണങ്ങളും ഉപയോഗങ്ങളും ബോധ്യപ്പെടുത്താനുമാണ് ഔഷധസസ്യ പ്രദർശനം സംഘടിപ്പിച്ചത്.
Leave a Reply