ഇരിങ്ങാലക്കുട : മലയാളം കേരളപാഠാവലിയിലെ പത്താം ക്ലാസ് പാഠഭാഗം ‘വയലാർ രാമവർമ്മയുടെ പ്രയാണം’ എന്ന കവിതയുടെ പഠനപ്രവർത്തനത്തിന്റെ ഭാഗമായി വയലാറിൻ്റെ കവിതകളെയും ഗാനങ്ങളെയും കോർത്തിണക്കി കൊണ്ട് ശാന്തിനികേതൻ സ്കൂൾ വിദ്യാർഥികൾ നടത്തിയ വയലാർ കാവ്യഗാനാഞ്ജലി ശ്രദ്ധേയമായി.
മലയാളം സാഹിത്യ ക്ലബ്ബ് നീർമാതളത്തിലെ അംഗങ്ങളായ പത്താം ക്ലാസ് വിദ്യാർഥികളാണ് പരിപാടി സംഘടിപ്പിച്ചത്.
സ്കൂൾ ഓഡിറ്റോറിയത്തിൽ വച്ച് നടന്ന ചടങ്ങ് പ്രിൻസിപ്പൽ ഹരീഷ് മേനോൻ ഉദ്ഘാടനം ചെയ്തു.
സംഗീത അധ്യാപിക സൗപർണിക വിശിഷ്ടാതിഥിയായി.
വയലാറിൻ്റെ ജീവിതത്തെയും സാഹിത്യ സംഭാവനകളെയും കുറിച്ച് ക്ലബ്ബ് പ്രസിഡൻ്റ് പി.എസ്. സനുഷ സംസാരിച്ചു.
മലയാളവിഭാഗം മേധാവി കെ.സി. ബീന, പോഗ്രാം കൺവീനർ പി.വി. രുദ്രപ്രിയ, പി. മണികണ്ഠൻ എന്നിവർ സംസാരിച്ചു.
സംഗീത അധ്യാപിക സൗപർണ്ണിക, പി.വി. ലക്ഷ്മി വാര്യർ, ടി.എസ്. അഭിനവ്, എ.ജെ. ലക്ഷ്മിശ്രീ, അഭിഷേക് കൃഷ്ണ, ശ്രീയ ശ്രീകുമാർ എന്നിവർ വയലാറിൻ്റെ കവിതകളും സിനിമാഗാനങ്ങളും ആലപിച്ചു.
വൈസ് പ്രിൻസിപ്പൽ ഗീത രവീന്ദ്രൻ, ഹെഡ്മിസ്ട്രസ്സ് സജിത അനിൽകുമാർ എന്നിവർ സന്നിഹിതരായിരുന്നു.
കൺവീനർമാരായ പി.വി. രുദ്രപ്രിയയും ലക്ഷ്മിശ്രീയും നേതൃത്വം നൽകി.
Leave a Reply