ഇരിങ്ങാലക്കുട : ക്രൈസ്റ്റ് കോളെജിന്റെ സാമൂഹ്യസേവന സംഘടനയായ തവനിഷ്, ഹെയർട്രീ എസ്തറ്റിക്സ് ക്ലിനിക് എൽ.എൽ.പി.യുമായി സഹകരിച്ച് ഹെയർ ഹെൽത്ത് ക്യാമ്പ് സംഘടിപ്പിച്ചു.
കോളെജ് പ്രിൻസിപ്പൽ റവ. ഫാ. ഡോ. ജോളി ആൻഡ്രൂസ് ആദ്യ കൺസൾട്ടേഷനിൽ പങ്കെടുത്ത് പരിപാടി ഉദ്ഘാടനം ചെയ്തു.
ഹെയർട്രീ എസ്തറ്റിക് ക്ലിനിക്കിലെ ഡോക്ടർമാരായ ഡോ. ഗീതാഞ്ജലി, ഡോ. ശിൽപ എന്നിവർ ക്യാമ്പിന് നേതൃത്വം നൽകി.
ക്യാമ്പിൽ മുടിയുടെയും തലയോട്ടിയുടെയും ആരോഗ്യവുമായി ബന്ധപ്പെട്ട പരിശോധനകളും വിദഗ്ധ നിർദേശങ്ങളും പങ്കുവെച്ചു.
എസ്പാത് ലാബിന്റെ സഹകരണത്തോടെ സൗജന്യ ഷുഗർ, ബി.പി. പരിശോധനകളും നടത്തി.
കൂടാതെ ജി.എം. തെറാപ്യുറ്റിക്സിന്റെ റീജിയണൽ മാനേജർ ജിൻഷാഭിന്റെ നേതൃത്വത്തിൽ സൗജന്യ മരുന്ന് വിതരണവും നടന്നു.
പരിപാടിയിൽ സ്റ്റാഫ് കോർഡിനേറ്റർ ഡോ. മുവിഷ് മുരളി, തവനിഷ് പ്രസിഡന്റ് നിമിഷ, സെക്രട്ടറി അഭിഷേക്, മറ്റ് തവനിഷ് വൊളൻ്റിയർമാർ എന്നിവരും പങ്കെടുത്തു.
Leave a Reply