ഇരിങ്ങാലക്കുട : മഹിളാ കോൺഗ്രസ് കാറളം മണ്ഡലം കമ്മിറ്റിയുടെ നേതൃത്വത്തിൽ പത്താം ക്ലാസ്, പ്ലസ്ടു പരീക്ഷകളിൽ മികച്ച വിജയം നേടിയ വിദ്യാർഥികളെ അനുമോദിക്കുന്ന വിജയോത്സവം സംഘടിപ്പിച്ചു.
യൂത്ത് കോൺഗ്രസ് സംസ്ഥാന സെക്രട്ടറി ഡോ. സോയ ജോസഫ് ഉദ്ഘാടനം ചെയ്തു.
മഹിളാ കോൺഗ്രസ് മണ്ഡലം പ്രസിഡൻ്റ് ടി.കെ. വിനീത അധ്യക്ഷത വഹിച്ചു.
ഇരിങ്ങാലക്കുട നഗരസഭ ചെയർമാൻ എം.പി. ജാക്സൺ സമ്മാനദാനം നിർവഹിച്ചു.
മഹിളാ കോൺഗ്രസ് സംസ്ഥാന സെക്രട്ടറി രാജലക്ഷ്മി കുറുമാത്ത് മുഖ്യപ്രഭാഷണം നടത്തി.
ജില്ലാ കോൺഗ്രസ് കമ്മിറ്റി സെക്രട്ടറി ആൻ്റോ പെരുമ്പിള്ളി, മണ്ഡലം കോൺഗ്രസ് പ്രസിഡൻ്റ് ബാസ്റ്റിൻ ഫ്രാൻസിസ്, നഗരസഭ കൗൺസിലർ സുജ സഞ്ജീവ്കുമാർ, കാറളം പഞ്ചായത്ത് മെമ്പർ പ്രീത, കാട്ടൂർ സർവീസ് സഹകരണ ബാങ്ക് വൈസ് പ്രസിഡൻ്റ് പ്രമീള അശോകൻ, വിജയോത്സവം കൺവീനർ ജുമൈലത്ത് നസീർ, മഹിളാ കോൺഗ്രസ് ഭാരവാഹികളായ ദീപ സാജു, സോഫി കുഞ്ഞുപാലു, ബീന വിൽസൺ, റാണി സണ്ണി, സൗമ്യ പ്രകാശൻ എന്നിവർ പ്രസംഗിച്ചു.
ഷാബു ചക്കാലക്കൽ കരിയർ ഗൈഡൻസ് ക്ലാസ് നയിച്ചു.
Leave a Reply