ഇരിങ്ങാലക്കുട : ഇരിങ്ങാലക്കുട പൊലീസ് സ്റ്റേഷൻ പരിധിയിൽ ‘ഓപ്പറേഷൻ തൂഫാൻ’ ദ നാർക്കോ ഹണ്ട് പദ്ധതിയുടെ ഭാഗമായി ക്രൈസ്റ്റ് കോളെജിൽ ലഹരിവിരുദ്ധ ക്യാമ്പയിൻ സംഘടിപ്പിച്ചു.
ചടങ്ങിൽ ക്രൈസ്റ്റ് കോളെജിന്റെ ലഹരിവിരുദ്ധ വെബ്സൈറ്റായ ‘മുക്തി’യുടെ ലോഞ്ചിങ് തൃശൂർ റൂറൽ ജില്ലാ പൊലീസ് മേധാവി മുഹമ്മദ് നദീം നിർവ്വഹിച്ചു.
തുടർന്ന് വിദ്യാർഥികളുമായി അദ്ദേഹം ലഹരി എന്ന വിപത്തിനെതിരെ സംവദിക്കുകയും ചെയ്തു.
തൃശൂർ റൂറൽ സ്പെഷ്യൽ ബ്രാഞ്ച് ഡിവൈഎസ്പി സലീഷ് ശങ്കർ, ജില്ലാ സാമൂഹ്യനീതി ഓഫീസർ സിനോ സേവി എന്നിവരും ചടങ്ങിൽ സന്നിഹിതരായിരുന്നു.
ഔദ്യോഗിക ചടങ്ങുകൾക്ക് ശേഷം ലഹരി വിരുദ്ധ സന്ദേശം പകരുന്ന വൈവിധ്യമാർന്ന കലാപരിപാടികളും അരങ്ങേറി.
Leave a Reply