ഇരിങ്ങാലക്കുട : എസ്.എസ്.എൽ.സി. പരീക്ഷയിൽ നൂറുമേനി വിജയം നേടിയ സെന്റ് മേരീസ് ഹൈസ്കൂളിൽ അനുമോദന കൂട്ടായ്മ സംഘടിപ്പിച്ചു.
100% വിജയം കരസ്ഥമാക്കിയ ഇരിങ്ങാലക്കുട സബ് ജില്ലയിലെ സ്കൂളുകളിൽ ഏറ്റവും കൂടുതൽ വിദ്യാർഥികൾ പരീക്ഷ എഴുതിയത് സെൻ്റ് മേരീസിലാണ്.
പരീക്ഷയെഴുതിയ 242 വിദ്യാർഥികളിൽ 22 പേർ ഫുൾ എപ്ലസും,10 പേർ 9 എപ്ലസും, 13 പേർ 8 എപ്ലസും കരസ്ഥമാക്കി.
തിളക്കമാർന്ന ഈ വിജയം കരസ്ഥമാക്കാൻ അഹോരാത്രം പരിശ്രമിച്ച സ്കൂൾ ഹെഡ്മിസ്ട്രസ് റീജ ജോസിനെ സ്കൂൾ മാനേജർ റവ. ഫാ. പ്രൊഫ. ലാസർ കുറ്റിക്കാടൻ പൊന്നാടയണിയിച്ച് ആദരിച്ചു.
ഓരോ വിദ്യാർഥിയെയും മികച്ച വിജയത്തിൽ എത്തിക്കാൻ അധ്യാപകർ കാണിച്ച ആത്മാർത്ഥതയെയും പരിശ്രമത്തെയും മാനേജർ അഭിനന്ദിച്ചു.
സെന്റ് മേരീസ് ഹയർ സെക്കൻഡറി പ്രിൻസിപ്പൽ ആൻസൻ ഡൊമിനിക്, പി.ടി.എ. പ്രസിഡന്റ് അജോ ജോൺ, അസിസ്റ്റന്റ് വികാരി ഫാ. ക്രിസ്റ്റോൺ കൈനാടത്തുപറമ്പിൽ, മുൻ പി.ടി.എ. പ്രസിഡന്റ് പി.പി. റപ്പായി, സ്കൂൾ മാനേജ്മെന്റ് ട്രസ്റ്റി തോമസ് തൊകലത്ത്, പള്ളി കമ്മറ്റിയംഗം ടെൽസൺ കോട്ടോളി, ഷാജു ചിറയത്ത് എന്നിവർ ആശംസകൾ അർപ്പിച്ചു.
ഹെഡ്മിസ്ട്രസ് റീജ സ്വാഗതവും സ്റ്റാഫ് പ്രതിനിധി മെൽവിൻ ഡേവിസ് നന്ദിയും പറഞ്ഞു.
Leave a Reply