ഇരിങ്ങാലക്കുട : എലിഞ്ഞിപ്ര സെൻ്റ് ഫ്രാൻസിസ് അസ്സീസി ഇടവകയിൽ സോഷ്യൽ ആക്ഷൻ സംഘടനയും കൊമ്പൊടിഞ്ഞാമാക്കൽ ലയൺസ് ക്ലബ്ബ് ഇന്റർനാഷണലും സംയുക്തമായി, അങ്കമാലി അഡ്ലക്സ് – അപ്പോളോ ആശുപത്രി, ഡിവൈൻ ഹിയർ & സ്പീച്ച് സെന്റർ എന്നിവരുമായി സഹകരിച്ച് മെഗാ മെഡിക്കൽ ക്യാമ്പ് സംഘടിപ്പിച്ചു.
ഇടവക വികാരി ഫാ. ജെയിൻ തെക്കേക്കുന്നേൽ ക്യാമ്പ് ഉദ്ഘാടനം ചെയ്തു.
യൂണിറ്റ് പ്രസിഡന്റ് വർഗ്ഗീസ് മേനാച്ചേരി അധ്യക്ഷത വഹിച്ചു.
ആറായിരത്തിലധികം മെഡിക്കൽ ക്യാമ്പുകൾ നടത്തിയ ലയൺസ് ഇന്റർനാഷണൽ കോർഡിനേറ്റർ ജോൺസൺ കോലങ്കണ്ണിയെ ചടങ്ങിൽ പൊന്നാട അണിയിച്ച് ആദരിച്ചു.
കേന്ദ്രസമിതി പ്രസിഡന്റ് വർഗ്ഗീസ് പായപ്പൻ, ട്രസ്റ്റിമാരായ ഡേവിസ് കിഴക്കൂടൻ, ഡേവിസ് വെള്ളാനി എന്നിവർ ആശംസകൾ നേർന്നു.
കൺവീനർ വിൽസൻ പായപ്പൻ സ്വാഗതവും സംഘടന വൈസ് പ്രസിഡന്റ് ദേവസ്സി ചെങ്ങിനിയാടൻ നന്ദിയും പറഞ്ഞു.
Leave a Reply