ഇരിങ്ങാലക്കുട : ബില്യൺ ബീസ് ഷെയർ ട്രേഡിങ് തട്ടിപ്പിൽ ഇരിങ്ങാലക്കുടയിൽ 3 കേസുകൾ കൂടി രജിസ്റ്റർ ചെയ്തു. ഈ മൂന്നു കേസുകളിൽ നിന്നായി നഷ്ടപ്പെട്ടിരിക്കുന്നത് 41 ലക്ഷം രൂപയാണ് ‘
പുല്ലൂർ സ്വദേശിക്ക് നഷ്ടപ്പെട്ട 11,00,000 രൂപയുടെ പേരിൽ നൽകിയ പരാതിയാണ് ബില്യൺ ബീസിനെതിരെയായി ഇരിങ്ങാലക്കുട പൊലീസ് സ്റ്റേഷനിൽ 8-ാമത്തെ കേസായി രജിസ്റ്റർ ചെയ്തത്.
തുടർന്ന് ലഭിച്ച എസ്.എൻ. പുരം സ്വദേശിയുടെ പരാതിയിൽ 10,00,000 രൂപയുടെ തട്ടിപ്പും, കോടാലി സ്വദേശിയുടെ പരാതിയിൽ 20,00,000 രൂപയുടെ തട്ടിപ്പും നടത്തിയതായി കണ്ടെത്തി.
നിലവിൽ ഇരിങ്ങാലക്കുട പൊലീസ് സ്റ്റേഷനിൽ മാത്രം ബില്യൺ ബീസിനെതിരെയായി 10-മത്തെ കേസാണ് രജിസ്റ്റർ ചെയ്തിരിക്കുന്നത്.
ഇതു വരെ രജിസ്റ്റർ ചെയ്ത 10 കേസുകളിൽ ഒരു കേസ് അന്വേഷിക്കുന്നത് തൃശ്ശൂർ റൂറൽ ജില്ലാ ക്രൈം ബ്രാഞ്ചും ബാക്കി 9 കേസുകൾ അന്വേഷിക്കുന്നത് ഇരിങ്ങാലക്കുട ഡെപ്യൂട്ടി പൊലീസ് സുപ്രണ്ടിന്റെ നേതൃത്വത്തിൽ ഇരിങ്ങാലക്കുട എസ്.എച്ച്.ഒ.യും ആണ്.
Leave a Reply