ഇരിങ്ങാലക്കുട : ആദ്ധ്യാത്മികാചാര്യൻ പരമഭട്ടാരക വിദ്യാധിരാജ ചട്ടമ്പിസ്വാമികളുടെ നൂറ്റൊന്നാമത് സമാധിദിനം ചൊവ്വാഴ്ച എൻ എസ് എസ് താലൂക്ക് യൂണിയൻ ആസ്ഥാനത്തും 145 കരയോഗങ്ങളിലും സമുചിതമായി ആചരിക്കും.
രാവിലെ 10 മണിക്ക് യൂണിയൻ ആസ്ഥാനത്ത് ചെയർമാൻ അഡ്വ. ഡി. ശങ്കരൻകുട്ടി നിലവിളക്ക് കൊളുത്തി ദിനാചരണത്തിന് തുടക്കം കുറിക്കും.
യൂണിയൻ സെക്രട്ടറി എസ്. കൃഷ്ണകുമാർ അനുസ്മരണ പ്രഭാഷണം നടത്തും.
തുടർന്ന് വനിതാ യൂണിയന്റെ ആഭിമുഖ്യത്തിൽ സംഗീതാർച്ചന അരങ്ങേറും.
താലൂക്ക് യൂണിയൻ ഭരണസമിതി അംഗങ്ങൾ, വനിതാ യൂണിയൻ ഭാരവാഹികൾ, പ്രതിനിധി സഭാംഗങ്ങൾ, യൂണിയൻ പ്രതിനിധികൾ, ഇലക്റ്ററൽ റോൾ അംഗങ്ങൾ തുടങ്ങിയവർ പങ്കെടുക്കും.
Leave a Reply