ഇരിങ്ങാലക്കുട : മുകുന്ദപുരം താലൂക്കിലെയും സമീപദേശങ്ങളിലെയും സാഹിത്യകാരന്മാരുടെ സംഘടനയായ സംഗമസാഹിതി കൂടൽമാണിക്യം ഉത്സവത്തോടനുബന്ധിച്ച് പ്രദർശനമൈതാനിയിൽ ഒരുക്കിയിട്ടുള്ള പുസ്തകശാല ദേവസ്വം ചെയർമാൻ അഡ്വ. സി.കെ. ഗോപി ഉദ്ഘാടനം ചെയ്തു.
മുൻ കൗൺസിലർ സുജ സഞ്ജീവ്കുമാർ ആദ്യ വില്പന നടത്തി.
താലൂക്കിലും സമീപപ്രദേശങ്ങളിലുമുള്ള സാഹിത്യകാരന്മാർക്ക് സ്വന്തം പുസ്തകങ്ങൾ സംഗമസാഹിതിയുടെ പുസ്തകശാലയിലൂടെ വില്പന നടത്തുന്നതിന് അവസരം ഒരുക്കിയിട്ടുണ്ട്.
പ്രസിഡന്റ് ജോസ് മഞ്ഞില അധ്യക്ഷത വഹിച്ചു.
ചടങ്ങിൽ ഇരിങ്ങാലക്കുട ബാബുരാജ്, അരുൺ ഗാന്ധിഗ്രാം, കാട്ടൂർ രാമചന്ദ്രൻ എന്നിവർ പ്രസംഗിച്ചു.
Leave a Reply