കാരുകുളങ്ങര നരസിംഹസ്വാമി ക്ഷേത്രത്തിലെ തിരുവുത്സവത്തിന് നാളെ കൊടിയേറും

ഇരിങ്ങാലക്കുട : കാരുകുളങ്ങര നരസിംഹ സ്വാമി ക്ഷേത്രത്തിലെ തിരുവുത്സവത്തിന് വ്യാഴാഴ്ച്ച കൊടിയേറും.

മാർച്ച് 20ന് കൊടിയേറി 25ന് ആറാട്ടോടെ സമാപിക്കുന്ന ഉത്സവത്തിന് ഇക്കുറി വിപുലമായ പരിപാടികളാണ് ആസൂത്രണം ചെയ്തിരിക്കുന്നത്.

മാർച്ച് 20ന് രാത്രി 8.15ന് കൊടിയേറ്റ്, തുടർന്ന് കൊരുമ്പ് മൃദംഗകളരിയുടെ മൃദംഗ
മേള എന്നിവ നടക്കും.

രണ്ടാം ഉത്സവ ദിനമായ 21ന് രാവിലെ ശീവേലി, വൈകീട്ട് 6.45ന് കലാസന്ധ്യ, തുടർന്ന് വിളക്ക്.

മൂന്നാം ദിനമായ 22ന് രാവിലെ 9ന് ഉത്സവബലി, വൈകീട്ട് 6.45ന് ഗാനമേള, രാത്രി 8.30ന് വിളക്കിനെഴുന്നെള്ളിപ്പ്.

നാലാം ദിവസമായ 23ന് രാവിലെ 9ന് ഉത്സവബലി, വൈകീട്ട് 7ന് “നരസിംഹാവതാരം” കഥകളി, തുടർന്ന് വലിയ വിളക്ക്.

അഞ്ചാം ഉത്സവ ദിനമായ 24ന് രാവിലെ ശീവേലി, വൈകീട്ട് 6.40ന് ഗിരിജാ വേണുഗോപാലിൻ്റെ നേതൃത്വത്തിൽ അവതരിപ്പിക്കുന്ന നൃത്തനൃത്യങ്ങൾ, തുടർന്ന് 9 മണിക്ക് പള്ളിവേട്ട.

മാർച്ച് 25 (ചൊവ്വാഴ്ച്ച) രാവിലെ 7.30 ന് നടക്കുന്ന ആറാട്ട് എഴുന്നെള്ളിപ്പോടെ ഉത്സവത്തിന് പരിസമാപ്തിയാകും.