ഇരിങ്ങാലക്കുട : ഇരിങ്ങാലക്കുട ഉപജില്ല ശാസ്ത്രോത്സവത്തിന് തിരശ്ശീല വീണപ്പോൾ 722 പോയിൻ്റോടുകൂടി ഇരിങ്ങാലക്കുട ലിറ്റിൽ ഫ്ലവർ കോൺവെൻ്റ് ഹൈസ്കൂൾ ഓവറോൾ ചാമ്പ്യൻഷിപ്പ് കരസ്ഥമാക്കി.
608 പോയിൻ്റോടു കൂടി ഇരിങ്ങാലക്കുട സെൻ്റ് മേരീസ് ഹയർ സെക്കൻഡറി സ്കൂൾ രണ്ടാം സ്ഥാനവും 543 പോയിൻ്റോടു കൂടി ഇരിങ്ങാലക്കുട നാഷണൽ ഹയർ സെക്കൻഡറി സ്കൂൾ മൂന്നാം സ്ഥാനവും കരസ്ഥമാക്കി.
87 സ്കൂളുകൾ മാറ്റുരച്ച ശാസ്ത്രോത്സവത്തിൽ ഏകദേശം 3500ഓളം വിദ്യാർഥികൾ പങ്കെടുത്തു.
കഴിഞ്ഞ മൂന്ന് ദിവസങ്ങളിലായി നടന്ന ശാസ്ത്രോത്സവത്തിൻ്റെ സമാപന സമ്മേളനം കൽപ്പറമ്പ് ബി.വി.എം.എച്ച്.എസ്.എസിൽ വെച്ച് ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രൻ ഉദ്ഘാടനം ചെയ്തു.
പൂമംഗലം പഞ്ചായത്ത് വികസന കാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ ടി.എ. സന്തോഷ് അധ്യക്ഷത വഹിച്ചു.
ജില്ലാ പഞ്ചായത്ത് മെമ്പർ ഷീല അജയഘോഷ് സമ്മാനദാനം നിർവഹിച്ചു.
കൽപ്പറമ്പ് ബി.വി.എം.എച്ച്.എസ്.എസ്. മാനേജർ ഫാ. പോളി കണ്ണൂക്കാടൻ, ഹെഡ്മിസ്ട്രസ് എ.ജെ. ജെൻസി, പിടിഎ പ്രസിഡൻ്റ് മേരി കവിത, പി.ടി.എ. വൈസ് പ്രസിഡൻ്റ് കെ.കെ. ഡേവിസ്, വടക്കുംകര ജി.യു.പി.എസ്. ഹെഡ്മിസ്ട്രസ്സ് പി.എസ്. ഷിനി, കൽപ്പറമ്പ് എച്ച്.സി.സി.എൽ.പി. സ്കൂൾ ഹെഡ്മിസ്ട്രസ്സ് സിസ്റ്റർ പി.ഒ. സിൻസി എന്നിവർ ആശംസകൾ അർപ്പിച്ചു.
ജനറൽ കൺവീനർ ബിജു ആന്റണി സ്വാഗതവും റിസപ്ഷൻ കമ്മിറ്റി കൺവീനർ ആർ.വി. വർഷ നന്ദിയും പറഞ്ഞു.
Leave a Reply