IRINJALAKUDA TIMES
ഇരിങ്ങാലക്കുട : വെളയനാട് സെന്റ് മേരീസ് ദേവാലയത്തിൽ പരിശുദ്ധ വെളയനാട്ടമ്മയുടെ സ്വർഗ്ഗാരോഹണ തിരുനാളിന് കൊടിയേറി.
സെന്റ് ജെയിംസ് ആശുപത്രി ഡയറക്ടർ ഫാ. ആന്റണി മുക്കാട്ടുകരക്കാരൻ കൊടിയേറ്റം നിർവഹിച്ചു.
ദേവാലയ വികാരി ഫാ. ജിനു വെണ്ണാട്ടുപറമ്പിൽ സന്നിഹിതനായിരുന്നു.
ആഗസ്റ്റ് 15 ശനിയാഴ്ചയാണ് തിരുനാൾ ആഘോഷിക്കുന്നത്.
രാവിലെ 9 മണിക്ക് ഊട്ടുസദ്യ ആരംഭിക്കും.
9.30ന് നടക്കുന്ന ആഘോഷമായ തിരുനാൾ കുർബാനയ്ക്ക് റവ. ഫാ. റിനിൽ കാരാത്ര മുഖ്യകാർമികത്വം വഹിക്കും. ഫാ. ബിനോയ് പൊഴോലിപ്പറമ്പിൽ തിരുനാൾ സന്ദേശം നൽകും.
ഇരിങ്ങാലക്കുട : ബ്ലോക്ക് പഞ്ചായത്തിന്റെ 2026- 27 സാമ്പത്തിക വർഷത്തേക്കുള്ള പതിനാറാം ധനകാര്യ കമ്മീഷൻ ഗ്രാന്റിൻ്റെ പദ്ധതി രൂപീകരണത്തിന്റെ ഭാഗമായുള്ള വികസന സെമിനാർ ബ്ലോക്ക് പഞ്ചായത്ത് പ്രസിഡന്റ് ടി.ജി. ശങ്കരനാരായണൻ ഉദ്ഘാടനം ചെയ്തു.
ബ്ലോക്ക് പഞ്ചായത്ത് വൈസ് പ്രസിഡന്റ് നിമിഷ ശ്രീനിവാസൻ അധ്യക്ഷത വഹിച്ചു.
2026-2 7 വാർഷത്തേക്കുള്ള 24,88,000 രൂപയ്ക്കുള്ള പദ്ധതികൾ വികസന സ്റ്റാന്റിംഗ് കമ്മിറ്റി ചെയർപേഴ്സൺ എൻ.ബി. പവിത്രൻ അവതരിപ്പിച്ചു.
കാറളം പഞ്ചായത്ത് പ്രസിഡന്റ് കെ.കെ. ശിവൻകുട്ടി, മുരിയാട് പഞ്ചായത്ത് പ്രസിഡന്റ് സരള വിക്രമൻ, ഇരിങ്ങാലക്കുട ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ വൃന്ദ അജിത്കുമാർ, ബ്ലോക്ക് പഞ്ചായത്ത് അംഗങ്ങളായ അംബുജ രാജൻ, പ്രസീന സജയൻ, കെ.എ. സുരേഷ് ബാബു, കെ. രാജേഷ്, കെ.യു. വിജയൻ, മണി സജയൻ, അജയൻ തറയിൽ, രജനി നന്ദകുമാർ, നിർവ്വഹണ ഉദ്യോഗസ്ഥർ, വർക്കിംഗ് ഗ്രൂപ്പ് അംഗങ്ങൾ എന്നിവർ പങ്കെടുത്തു.
ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ പി.ഡി. നെൽസൺ സ്വാഗതവും ബ്ലോക്ക് പഞ്ചായത്ത് സെക്രട്ടറി കെ.കെ. നിഖിൽ നന്ദിയും പറഞ്ഞു.
ഇരിങ്ങാലക്കുട : അസോസിയേഷന് ഓഫ് ഓട്ടോമൊബൈല് വര്ക്ക് ഷോപ്പ് കേരള ഇരിങ്ങാലക്കുട യൂണിറ്റ് മെമ്പറായിരുന്ന ഗോപി മാപ്രാണത്തിന്റെ നിര്യാണത്തെ തുടര്ന്ന് സംഘടനയുടെ ലൈഫ് ലൈന് പദ്ധതിയില് നിന്ന് ലഭിച്ച 10 ലക്ഷം രൂപയുടെ ചെക്ക് കൈമാറി.
യൂണിറ്റ് പ്രസിഡന്റ് ദിലീപ് കുമാര്, സെക്രട്ടറി ഉണ്ണികൃഷ്ണന് എടച്ചാലി, ട്രഷറര് ചന്ദ്രശേഖരന്, വൈസ് പ്രസിഡൻ്റ് വിന്സെന്റ്, ജോയിൻ്റ് സെക്രട്ടറി സുരേന്ദ്രന്, കമ്മിറ്റി അംഗങ്ങളായ വേണു, ശിവന് കാറളം, ജോണ്സണ്, ദാസന്, കെ.ആര്. ഉണ്ണികൃഷ്ണന്, കെ.കെ. ബാലൻ, കുട്ടന് എന്നിവർ സന്നിഹിതരായിരുന്നു.
ഇരിങ്ങാലക്കുട : പുല്ലൂർ കുഞ്ഞുമാണിക്യൻ മൂല കയ്യാലപ്പറമ്പിൽ വീട്ടിൽ പരേതനായ കുഞ്ഞൻ മകൻ സുബ്രഹ്മണ്യൻ (57) കുഴഞ്ഞുവീണു മരിച്ചു.
കെട്ടിട നിർമ്മാണ തൊഴിലാളി യൂണിയൻ അംഗമാണ്.
സംസ്കാരം ആഗസ്റ്റ് 14 (വെള്ളിയാഴ്ച) വൈകീട്ട് 4 മണിക്ക് മുക്തിസ്ഥാനിൽ.
ഭാര്യ : ലിജ
മകൻ : സൂരജ് (ഗൾഫ്)
ഇരിങ്ങാലക്കുട : വെസ്റ്റ ഐസ്ക്രീം നിർമാതാക്കളായ കെഎസ്ഇ ലിമിറ്റഡിന്റെ കോനിക്കര
ഡയറി ഡിവിഷനിലെ തൊഴിലാളികൾക്ക് 2025- 26 വർഷത്തേക്കുള്ള ബോണസ് ആയി അവരുടെ മൊത്തവേതനത്തിന്റെ 20% വരുന്ന സംഖ്യ നൽകാൻ മാനേജ്മെന്റ് – യൂണിയൻ പ്രതിനിധികൾ തമ്മിൽ നടത്തിയ ചർച്ചയിൽ തീരുമാനമായി.
ഇരിങ്ങാലക്കുട സോൾവെന്റ് ഹൗസിൽ ചേർന്ന ചർച്ചയിൽ ഉണ്ടായ കരാറിൽ തൊഴിലാളികളെ പ്രതിനിധീകരിച്ച്
കെഎസ്ഇ എംപ്ലോയീസ് യൂണിയൻ (ഐഎൻടിയുസി) പ്രസിഡന്റ് കെ.എൻ. നാരായണൻ, സെക്രട്ടറി പി.എസ്. കുമാർ, കെഎസ്ഇ ലേബർ യൂണിയൻ (എഐടിയുസി) ജനറൽ സെക്രട്ടറി പി.ജി. മോഹനൻ, പ്രസിഡന്റ് എം.എസ്. ബിന്ദു എന്നിവരും മാനേജ്മെന്റിനെ പ്രതിനിധീകരിച്ച് ജനറൽ മാനേജർ എം. സെന്തിൽകുമാർ, അസിസ്റ്റന്റ് ജനറൽ മാനേജർ എം.പി. അനിൽകുമാർ, മാനേജർമാരായ സി. അരുൺ, പി. രമേഷ്, റോഷൻ ജോസ് എന്നിവരും ഒപ്പ് വെച്ചു.
ഇരിങ്ങാലക്കുട : അന്താരാഷ്ട്ര യുവജനദിനാചരണത്തിന്റെയും “ഹർ ഘർ തിരംഗ” പ്രചാരണത്തിന്റെയും ഭാഗമായി ക്രൈസ്റ്റ് കോളെജിലെ എൻ.സി.സി. യൂണിറ്റിന്റെ നേതൃത്വത്തിൽ സൈക്ലത്തോൺ സംഘടിപ്പിച്ചു.
യുവജന പങ്കാളിത്തം, ദേശസ്നേഹം, ശാരീരികക്ഷമത, സാമൂഹിക ഉത്തരവാദിത്തം എന്നിവ പ്രോത്സാഹിപ്പിക്കുക എന്ന ലക്ഷ്യത്തോടെയായിരുന്നു പരിപാടി.
പ്രിൻസിപ്പൽ റവ. ഫാ. ഡോ. ജോളി ആൻഡ്രൂസ്, എൻ.സി.സി. എഎൻഒ ലെഫ്റ്റനന്റ് ഡോ. ഫ്രാങ്കോ ടി. ഫ്രാൻസിസ് എന്നിവരുടെ നേതൃത്വത്തിലും 23 കേരള ബറ്റാലിയൻ എൻ.സി.സി.യിലെ പി.ഐ. സ്റ്റാഫ് ഹവിൽദാർ കെ. സൂരജിൻ്റെ സഹകരണത്തോടെയുമാണ് പരിപാടി നടന്നത്.
പൊലീസ് വകുപ്പിലെ സബ് ഇൻസ്പെക്ടർ പാട്രിക് സൈക്ലത്തോൺ ഫ്ലാഗ് ഓഫ് ചെയ്തു.
ഇരിങ്ങാലക്കുടയിലെ വിവിധ പ്രധാന കേന്ദ്രങ്ങളിലൂടെ സൈക്ലത്തോൺ കടന്നുപോയി.
ഇരിങ്ങാലക്കുട പ്രൈവറ്റ് ബസ് സ്റ്റാൻഡിൽ ലഹരിവിരുദ്ധ സന്ദേശം നൽകുന്ന എൻ.സി.സി. മൈം അവതരിപ്പിച്ചു.
ഇരിങ്ങാലക്കുട : എടതിരിഞ്ഞി കോൾപാടം ഗ്രൂപ്പ് ഫാർമിംഗ് സൊസൈറ്റി പാടശേഖരത്തിന്റെ 2026- 27 വർഷത്തെ പമ്പിംഗ് ആരംഭിക്കുന്നതുമായി ബന്ധപ്പെട്ട് ക്രോപ് കലണ്ടറിൽ മാറ്റം വരുത്തുന്നതിനും കല്ലന്തറ ചീപ്പ് റഗുലേഷനുമായി നടപടികൾ
സ്വീകരിക്കുന്നതിനും പാടശേഖര സമിതി ഭാരവാഹികളുടെയും കൃഷി ഉദ്യോഗസ്ഥരുടെയും യോഗം ചേർന്നു.
അഡ്വ. തോമസ് ഉണ്ണിയാടൻ എംഎൽഎ അധ്യക്ഷത വഹിച്ചു.
പടിയൂർ പഞ്ചായത്ത് പ്രസിഡന്റ് കെ.പി. കണ്ണൻ, കാറളം പഞ്ചായത്ത് പ്രസിഡന്റ് കെ.കെ. ശിവൻകുട്ടി, എംപി പ്രതിനിധി കൃപേഷ് ചെമ്മണ്ട, ഇരിങ്ങാലക്കുട നഗരസഭ സ്ഥിരം സമിതി അധ്യക്ഷൻ ചെയർമാൻ വി.സി. വർഗ്ഗീസ്, കൃഷി ഡെപ്യൂട്ടി ഡയറക്ടർ മിനി ജോസഫ്, വെള്ളാങ്ങല്ലൂർ കൃഷി അസിസ്റ്റന്റ് ഡയറക്ടർ എം.കെ. സ്മിത, ഇരിങ്ങാലക്കുട കൃഷി അസിസ്റ്റന്റ് ഡയറക്ടർ ഫാജിത റഹ്മാൻ, പടിയൂർ കൃഷി ഓഫീസർ സി.എം. റുബീന, കാറളം കൃഷി ഓഫീസർ അനഘ വി. ഗോപാൽ, എടതിരിഞ്ഞി കോൾപാടം ഗ്രൂപ്പ് ഫാമിംഗ് സൊസൈറ്റി പാടശേഖര സമിതി ഭാരവാഹികൾ, പോത്താനി കിഴക്കേപ്പാടം നെല്ലുൽപാദക സമൂഹം പാടശേഖരസമിതി ഭാരവാഹികൾ, മനവലശ്ശേരി ഊർപ്പതി കോൾ കർഷകസംഘം ഭാരവാഹികൾ, കുട്ടാടൻ പാടം പാടശേഖരസമിതി ഭാരവാഹികൾ എന്നിവർ പങ്കെടുത്തു.
ഇരിങ്ങാലക്കുട : സെൻ്റ് ജോസഫ്സ് കോളെജിലെ മനഃശാസ്ത്ര വിഭാഗത്തിൻ്റെ ദ്വിദിന അന്താരാഷ്ട്ര സമ്മേളനത്തിന്റെ ഉദ്ഘാടനം യുഎസിലെ ക്ലിനിക്കൽ സൈക്കോളജിസ്റ്റായ ഡോ. റെജി മോഹൻ നിർവഹിച്ചു.
കോളെജ് പ്രിൻസിപ്പൽ ഡോ. സിസ്റ്റർ ബ്ലെസി അധ്യക്ഷത വഹിച്ചു.
സെൽഫ് ഫിനാൻസിംഗ് കോർഡിനേറ്റർ ഡോ. സിസ്റ്റർ റോസ് ബാസ്റ്റിൻ, ഐ.ക്യു.എ.സി. കോർഡിനേറ്റർ ഷെറിൻ ജോസ് എന്നിവർ ആശംസകൾ അർപ്പിച്ചു.
മനഃശാസ്ത്ര വിഭാഗം മേധാവി ഡോ. രമ്യ ചിത്രൻ സ്വാഗതവും സമ്മേളനത്തിൻ്റെ നിർവാഹക സമിതി അംഗം മാളവിക മേനോൻ നന്ദിയും പറഞ്ഞു.
തുടർന്ന് ഡോ. റെജി മോഹൻ, നമിത എസ്. കുമാർ, മെർലിൻ ബി. സ്പെനാഡെൽ എന്നിവർ ന്യൂറോ സൈക്കോളജി ആസ്പദമായ വിവിധ വിഷയങ്ങളിൽ വിദ്യാർഥികളോട് സംവദിച്ചു.
അന്താരാഷ്ട്ര സമ്മേളനത്തോടനുബന്ധിച്ച് രാജ്യത്തെ വിവിധ സർവ്വകലാശാലകളിലെയും കോളെജുകളിലെയും വിദ്യാർഥികളുടെ
ഗവേഷണ വിഷയ അവതരണവും ഉണ്ടായിരിക്കും.
ഇരിങ്ങാലക്കുട : കാർഷിക വികസന കർഷകക്ഷേമ വകുപ്പിന്റെയും ഇരിങ്ങാലക്കുട നഗരസഭയുടെയും സംയുക്ത ആഭിമുഖ്യത്തിൽ ചിങ്ങം 1ന് (ആഗസ്റ്റ് 17) കർഷകദിനമായി ആചരിക്കും.
രാവിലെ 10 മണിക്ക് മാപ്രാണം പി.കെ. ചാത്തൻ മാസ്റ്റർ മെമ്മോറിയൽ ഹാളിൽ നടക്കുന്ന കർഷക ദിനാഘോഷ പരിപാടി അഡ്വ. തോമസ് ഉണ്ണിയാടൻ എംഎൽഎ ഉദ്ഘാടനം ചെയ്യും.
നഗരസഭ ചെയർമാൻ എം.പി. ജാക്സൺ അധ്യക്ഷത വഹിക്കും.
ചടങ്ങിൽ നഗരസഭാ പരിധിയിലെ മികച്ച കർഷകരെയും കൈപ്പള്ളിത്തറ കക്കാട് കോൾ പാടശേഖര സമിതിയെയും ആദരിക്കും.
കുട്ടാടൻ കർഷകസമിതി, കൊരുമ്പിശ്ശേരി, ഇരിങ്ങാലക്കുട പ്രൈമറി ഹെൽത്ത് സെൻ്റർ, പൊറത്തിശ്ശേരി തൊഴിലുറപ്പ് തൊഴിലാളി കൂട്ടായ്മ വാർഡ് 8-9 എന്നിവർക്ക് പ്രത്യേക ആദരവും നൽകും.
തുടർന്ന് ഉച്ചയ്ക്ക് 1.30 മുതൽ കർഷകർക്കായി വിവിധ മത്സരങ്ങൾ, കർഷകരുടെ വിവിധ കലാപരിപാടികൾ എന്നിവയും അരങ്ങേറും.
കർഷക ദിനത്തോടനുബന്ധിച്ച് ആഗസ്റ്റ് 15ന് ഇരിങ്ങാലക്കുട നഗരസഭ കാര്യാലയത്തിൽ യു.പി., ഹൈസ്കൂൾ വിദ്യാർഥികൾക്കും കർഷകർക്കു മായി കർഷക ക്വിസ് മത്സരം, ചിത്രരചനാ മത്സരം, ഉപന്യാസ രചന മത്സരം എന്നിവ സംഘടിപ്പിക്കും.
ഇരിഞ്ഞാലക്കുട : ഐടിയു ബാങ്കിൻ്റെ പ്രതിസന്ധി മറികടക്കുന്നതിനും നിക്ഷേപകരുടെ പണം തിരികെ ലഭിക്കുന്നതിനു മുള്ള നടപടികൾ സ്വീകരിക്കണമെന്ന് ആവശ്യപ്പെട്ട് ഐടിയു ബാങ്ക് നിക്ഷേപക സംരക്ഷണ സമരസമിതി അംഗങ്ങൾ സഹകരണ വകുപ്പ് മന്ത്രി എം. ലിജുവിന് സങ്കടഹർജി സമർപ്പിച്ചു.
സമരസമിതി പ്രസിഡൻ്റ് പ്രിൻസ് മാത്യു ചക്കാലക്കൽ, സെക്രട്ടറി ലിയോ പി. ആന്റോ, ജോയിൻ്റ് സെക്രട്ടറി ടോയ് വാറുണ്ണി എന്നിവർ ചേർന്നാണ് മന്ത്രിക്ക് നിവേദനം സമർപ്പിച്ചത്.
നിലവിൽ റിസർവ് ബാങ്ക് ഏർപ്പെടുത്തിയ നിയന്ത്രണം അനിശ്ചിതമായി തുടരുമെന്നാണ് വിവരം. 2025- 26 വാർഷിക കണക്കനുസരിച്ച് 123 കോടിയോളം രൂപ ബാങ്കിന് സഞ്ചിത നഷ്ടമുണ്ട്. 460 കോടിയോളം രൂപയാണ് ബാങ്കിൽ നിന്നും നിക്ഷേപകർക്ക് ലഭിക്കാനുള്ളതെന്നും നിവേദനത്തിൽ ചൂണ്ടിക്കാട്ടിയിട്ടുണ്ട്.
ബാങ്കിൻ്റെ പ്രതിസന്ധിക്ക് കാരണക്കാരായവരുടെയും കൂട്ടുനിന്നവരുടെയും സ്വത്തുക്കൾ കണ്ടു കെട്ടുന്നതിനും ക്രിമിനൽ നിയമനടപടി കൈക്കൊള്ളുന്നതിനുള്ള നടപടികൾ സ്വീകരിക്കണമെന്നും സമരസമിതി അംഗങ്ങൾ മന്ത്രിയോട് ആവശ്യപ്പെട്ടു.
