ഇരിങ്ങാലക്കുട : പടിയൂർ പഞ്ചായത്തിലെ കാക്കാത്തുരുത്തിയിൽ ബസ്സിൽ നിന്നും മാലിന്യ കിറ്റ് പൊതുസ്ഥലത്ത് എറിഞ്ഞതിന് പിഴ ഈടാക്കി ആരോഗ്യ വിഭാഗം.
ബസ്സ് അധികാരികളിൽ നിന്ന് 5000 രൂപയാണ് പിഴയായി ഈടാക്കിയത്.
ബസ്സിന് പിന്നിലായി കാറിൽ വന്ന വ്യക്തി എടുത്ത വീഡിയോ 9446700800 എന്ന വാട്സ്ആപ്പ് നമ്പറിലേക്ക് അയച്ച് നൽകിയതിൻ്റെ അടിസ്ഥാനത്തിലാണ് നടപടി.
പിഴ തുകയുടെ 25 ശതമാനമായ 1250 രൂപ വീഡിയോ അയച്ച വ്യക്തിക്ക് പാരിതോഷികമായി നൽകി.
പൊതുസ്ഥലങ്ങളിൽ മാലിന്യം നിക്ഷേപിക്കുന്നത് ശ്രദ്ധയിൽപ്പെട്ടാൽ വീഡിയോ ലൊക്കേഷൻ സഹിതം 9446700800 എന്ന നമ്പറിൽ അയച്ച് നൽകണമെന്ന് ആരോഗ്യ വിഭാഗം അറിയിച്ചു.
Leave a Reply