ഇരിങ്ങാലക്കുട : 172-ാമത് ശ്രീനാരായണ ജയന്തി ആഘോഷം എസ്.എൻ.ഡി.പി. യോഗം മുകുന്ദപുരം യൂണിയൻ്റെ നേതൃത്വത്തിൽ ഇരിങ്ങാലക്കുടയിൽ അതിവിപുലമായി ആഘോഷിക്കുന്നതിന് ശാഖായോഗം പ്രസിഡൻ്റ് വൈസ് പ്രസിഡൻ്റ്, സെക്രട്ടറിമാരുടെ നേതൃത്വയോഗം തീരുമാനിച്ചു.
ശ്രീനാരായണജയന്തി ആഘോഷം വിപുലമായി സംഘടിപ്പിക്കുന്നതിൻ്റെ ഭാഗമായി മേഖല യോഗങ്ങളും വനിതാസംഘം, യൂത്ത് മൂവ്മെൻ്റ്, വൈദിക യോഗങ്ങൾ എന്നിവയും സംഘടിപ്പിക്കുന്നതിന് തീരുമാനിച്ചു.
നേതൃത്വയോഗം യൂണിയൻ പ്രസിഡൻ്റ് സന്തോഷ് ചെറാക്കുളം ഉദ്ഘാടനം ചെയ്തു.
യൂണിയൻ സെക്രട്ടറി കെ.കെ. ചന്ദ്രൻ അധ്യക്ഷത വഹിച്ചു.
യോഗം കൗൺസിലർ പി.കെ. പ്രസന്നൻ മുഖ്യാതിഥിയായിരുന്നു.
യോഗം ഡയറക്ടർമാരായ കെ.കെ. ബിനു, സജീവ്കുമാർ കല്ലട, വനിതാസംഘം യൂണിയൻ പ്രസിഡൻ്റ് സജിത അനിൽകുമാർ, സെക്രട്ടറി രമ പ്രദീപ്, വൈദിക യോഗം സംസ്ഥാന വൈസ് പ്രസിഡൻ്റ് ശിവദാസ് ശാന്തി, യൂത്ത് മൂവ്മെൻ്റ് യൂണിയൻ പ്രസിഡൻ്റ് അഡ്വ. ജിനേഷ് ചന്ദ്രൻ, യൂണിയൻ കൗൺസിലർ ബിജോയ് നെല്ലിപറമ്പിൽ തുടങ്ങിയവർ പ്രസംഗിച്ചു.
Leave a Reply