ഇരിങ്ങാലക്കുട : ഹൗസ് ഓഫ് പ്രൊവിഡൻസിന്റെ 76-ാം വാർഷികവും വിശുദ്ധ ജോസഫ് കൊത്തളങ്കോയുടെ തിരുന്നാളും സംയുക്തമായി ഏപ്രിൽ 30ന് ആഘോഷിക്കും.
രാവിലെ 6.15ന് ഇരിങ്ങാലക്കുട സെന്റ് തോമസ് കത്തീഡ്രൽ വികാരി റവ. ഡോ. ലാസർ കുറ്റിക്കാടന്റെ മുഖ്യ കാർമ്മികത്വത്തിൽ കൃതജ്ഞതാബലി അർപ്പിക്കും.
ഉച്ചതിരിഞ്ഞ് 4.30ന് നടക്കുന്ന പൊതുസമ്മേളനം ബിഷപ്പ് മാർ പോളി കണ്ണൂക്കാടൻ ഉദ്ഘാടനം ചെയ്യും.
നഗരസഭ ചെയർപേഴ്സൺ മേരിക്കുട്ടി ജോയ് അധ്യക്ഷത വഹിക്കും.
പ്രൊവിൻഷ്യൽ സുപ്പീരിയർ റവ. സിസ്റ്റർ ആനി ഡേവിസ് മുഖ്യപ്രഭാഷണം നടത്തും.
ചടങ്ങിൽ ജനറൽ ആശുപത്രി സൂപ്രണ്ട് ഡോ. എം.ജി. ശിവദാസൻ പ്രായമായവരെ ആദരിക്കും.
തുടർന്ന് വിവിധ കലാപരിപാടികൾ അരങ്ങേറും.
Leave a Reply