വേളൂക്കര പഞ്ചായത്ത്തല പ്രവേശനോത്സവം കടുപ്പശ്ശേരി ഗവ.യു.പി. സ്കൂളിൽ അരങ്ങേറിഇരിങ്ങാലക്കുട : വേളൂക്കര പഞ്ചായത്ത്തല പ്രവേശനോത്സവം കടുപ്പശ്ശേരി ഗവ. യു.പി. സ്കൂളിൽ ആഘോഷിച്ചു.

വേളൂക്കര പഞ്ചായത്ത് വൈസ് പ്രസിഡന്റ് ജെൻസി ബിജു ഉദ്ഘാടനം നിർവഹിച്ചു.

ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ഗാവരോഷ് അധ്യക്ഷത വഹിച്ചു.

ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീജ ഉണ്ണികൃഷ്ണൻ നവാഗതർക്ക് ഉപഹാരം നൽകി.

മെമ്പർമാരായ പി.ജെ. സതീഷ്, സുനിത, പി.ടി.എ. പ്രസിഡന്റ് ഭാഗ്യലക്ഷ്മി, എം.പി.ടി.എ. പ്രസിഡന്റ് വിമ്മി സജി, പി.ടി.എ. വൈസ് പ്രസിഡന്റ് ജോൺ കോക്കാട്ട്, എം.എം ജിഷ എന്നിവർ ആശംസകൾ അർപ്പിച്ചു.

കുട്ടികൾക്ക് പഠനോപകരണ കിറ്റുകൾ, മധുരപലഹാരം എന്നിവ വിതരണം ചെയ്തു.

തുടർന്ന് വിഭവസമൃദ്ധമായ സദ്യയും ഉണ്ടായിരുന്നു.

ഹെഡ്മിസ്ട്രസ് സി. ബിന്ദു സ്വാഗതവും അധ്യാപിക ശോഭാലക്ഷ്മി നന്ദിയും പറഞ്ഞു.