ഇരിങ്ങാലക്കുട : മന്ത്രി ഡോ. ആർ. ബിന്ദുവിൻ്റെ പ്രാദേശിക വികസന ഫണ്ടിൽ നിന്നും 10 ലക്ഷം രൂപ ഉപയോഗിച്ച് വിപുലീകരിച്ച കുന്നത്തറ ലിഫ്റ്റ് ഇറിഗേഷൻ മന്ത്രി നാടിന് സമർപ്പിച്ചു.
ഇതോടെ 27 കുടുംബങ്ങൾ കൂടി പുതിയതായി പദ്ധതിയുടെ ഗുണഭോക്താക്കളായി.
ജലവിതരണം കൂടുതൽ ഗുണഭോക്താക്കളിലേക്ക് എത്തിക്കുന്നതിന് വേണ്ടി 766 മീറ്റർ പുതിയ പൈപ്പ് ലൈനുകൾ ഒരുക്കിയാണ് ലിഫ്റ്റ് ഇറിഗേഷൻ വിപുലീകരണം നടത്തിയത്.
മുരിയാട് പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു.
പഞ്ചായത്തംഗം കെ.യു. വിജയൻ, ലിഫ്റ്റ് ഇറിഗേഷൻ കമ്മിറ്റി ഭാരവാഹികൾ തുടങ്ങിയവർ പ്രസംഗിച്ചു.
Leave a Reply