ഇരിങ്ങാലക്കുട : കേരള സ്റ്റേറ്റ് സർവ്വീസ് പെൻഷനേഴ്സ് അസോസിയേഷൻ (കെ.എസ്.എസ്.പി.എ.) ഇരിങ്ങാലക്കുട മേഖലയുടെ ആഭിമുഖ്യത്തിൽ അന്താരാഷ്ട്ര വനിത ദിനാഘോഷം സംഘടിപ്പിച്ചു.
രാജീവ് ഗാന്ധി മന്ദിരത്തിൽ നടന്ന ആഘോഷ പരിപാടികൾ ഡി.സി.സി. ജനറൽ സെക്രട്ടറി സോണിയ ഗിരി ഉദ്ഘാടനം ചെയ്തു.
അസോസിയേഷൻ ജില്ലാ കമ്മറ്റി അംഗവും വനിത ഫോറം നിയോജക മണ്ഡലം പ്രസിഡൻ്റുമായ കെ. കമലം അധ്യക്ഷത വഹിച്ചു.
ജില്ല ജോയിന്റ് സെക്രട്ടറി ജയ സുരേന്ദ്രൻ മുഖ്യപ്രഭാഷണം നടത്തി.
ജില്ലാ സെക്രട്ടറി ഡേവിഡ് സ്റ്റീഫൻ, ജില്ല വൈസ് പ്രസിഡന്റ് ജോർജ് ഡി. മാളിയേക്കൽ, ഉദയൻ, എ.സി. സുരേഷ്, കെ.പി. മുരളീധരൻ, എ. വിജയലക്ഷ്മി, പി. സരള എന്നിവർ പ്രസംഗിച്ചു.
ജില്ലാ സമ്മേളനത്തിൽ ആർട്സ് & സ്പോർട്സിൽ വിജയിച്ച മുഫിദയെ ചടങ്ങിൽ ആദരിച്ചു.
തുടർന്ന് വനിതാ അംഗങ്ങളുടെ വിവിധ കലാപരിപാടികളും അരങ്ങേറി.
Leave a Reply