ഇരിങ്ങാലക്കുട : പൊറത്തിശ്ശേരി മഹാത്മാ എൽ.പി. & യു.പി. സ്കൂളിൽ സംഘടിപ്പിച്ച ബ്ലോക്ക് തല പഠനോത്സവം ഇരിങ്ങാലക്കുട ബ്ലോക്ക് പഞ്ചായത്ത് വൈസ് പ്രസിഡന്റ് കെ.എസ്. രമേശ് ഉദ്ഘാടനം ചെയ്തു.
സ്കൂൾ മാനേജർ വി.എം. സുശിതാംബരൻ അധ്യക്ഷത വഹിച്ചു.
വാർഡ് കൗൺസിലർ സി.സി. ഷിബിൻ മുഖ്യാതിഥിയായി.
ചടങ്ങിൽ കുട്ടികളുടെ കയ്യെഴുത്ത് മാസികകളുടെ പ്രകാശനം നിർവഹിച്ചു. സംസ്കൃതം സ്കോളർഷിപ്പ് നേടിയ കുട്ടികളെ അനുമോദിച്ചു.
ബി.പി.സി. കെ.ആർ. സത്യപാലൻ പദ്ധതി വിശദീകരണം നടത്തി.
ഹെഡ്മിസ്ട്രസ് പി.ജി. ബിന്ദു സ്വാഗതവും സ്കൂൾ ലീഡർ തെരേസ റോസ് നന്ദിയും പറഞ്ഞു.
കുട്ടികളുടെ പഠന മികവുകളുടെ അവതരണവും പ്രദർശനവും ഉണ്ടായിരുന്നു.
തുടർന്ന് പ്രദേശത്തെ കലാകാരന്മാരുടെ കൂട്ടായ്മയായ നീലിമ ഫോക്ക് ബാൻഡിൻ്റെ നാടൻ പാട്ട് അരങ്ങേറി.
Leave a Reply