ഇരിങ്ങാലക്കുട : കാട്ടൂർ കലാസദനം – സർഗ്ഗ സംഗമം ഗ്രൂപ്പിൻ്റെ നേതൃത്വത്തിൽ തുടർച്ചയായി നടത്തിവരുന്ന ദ്വൈവാര സാഹിത്യസംഗമത്തിൻ്റെ ഭാഗമായി മഹാകവി ജി. ശങ്കരക്കുറുപ്പിൻ്റെ 47-ാം ചരമവാർഷികത്തോടനുബന്ധിച്ച് അനുസ്മരണ യോഗവും കവിതാ വിചാരവും നടത്തി.
കാട്ടൂർ ടി.കെ. ബാലൻ ഹാളിൽ സംഘടിപ്പിച്ച സദസ് കവി പി.എൻ. സുനിൽ ഉദ്ഘാടനം ചെയ്തു.
കാട്ടൂർ രാമചന്ദ്രൻ അധ്യക്ഷത വഹിച്ചു.
മുഹമ്മദ് ഇബ്രാഹിം (സിംപ്സൺ ഇബ്രു), കെ. എസ്. ഉദയൻ, രാധാകൃഷ്ണൻ വെട്ടത്ത്, കെ.എൻ. സുരേഷ് കുമാർ, പഴുവിൽ ഗോപിനാഥ് എന്നിവർ പ്രസംഗിച്ചു.
കെ. ദിനേശ് രാജ, വിജയൻ ചിറ്റേക്കാട്ടിൽ എന്നിവർ കവിതകൾ അവതരിപ്പിച്ചു.
തുടർന്ന് ജി.യുടെ കവിതകളുടെയും ജയചന്ദ്രന്റെ ഗാനങ്ങളുടെയും ആലാപനം അരങ്ങേറി.
Leave a Reply