ഇരിങ്ങാലക്കുട : കൊറ്റനല്ലൂര്‍ ഫാത്തിമ മാതാ ദേവാലയത്തില്‍ ഇടവക മധ്യസ്ഥയായ പരിശുദ്ധ ഫാത്തിമ മാതാവിന്റെയും വിശുദ്ധ സെബസ്ത്യാനോസിന്റെയും തിരുനാളിന് കൊടിയേറി.
വികാരി ഫാ. പോള്‍ എ. അമ്പൂക്കന്‍ തിരുനാളിന്റെ കൊടിയേറ്റം നിര്‍വഹിച്ചു.
അമ്പെഴുന്നള്ളിപ്പു ദിനമായ ശനിയാഴ്ച നടന്ന തിരുകർമ്മങ്ങൾക്ക് ബിഷപ്പ് മാര്‍ പോളി കണ്ണൂക്കാടന്‍ മുഖ്യകാര്‍മികത്വം വഹിച്ചു.
രാത്രി 10 മണിക്ക് യൂണിറ്റുകളുടെ അമ്പ് എഴുന്നള്ളിപ്പുകള്‍ പള്ളിയില്‍ സമാപിക്കും.
തിരുനാള്‍ദിനമായ ഞായറാഴ്ച രാവിലെ 6.30ന് ദിവ്യബലി. 10 മണിക്ക് നടക്കുന്ന ആഘോഷമായ തിരുനാള്‍ ദിവ്യബലിക്ക് ഫാ. വിപിന്‍ കുരിശുതറ മുഖ്യകാര്‍മികത്വം വഹിക്കും.
രൂപത വികാരി ജനറാള്‍ ജോളി വടക്കന്‍ സന്ദേശം നല്‍കും. ഫാ. ആല്‍ബിന്‍ കൂനമ്മാവ് സഹകാര്‍മികനായിരിക്കും.
ഉച്ചതിരിഞ്ഞ് 3.30ന് ഇടവകയില്‍ നിന്നുള്ള വൈദികര്‍ നയിക്കുന്ന ദിവ്യബലി. 4.30ന് ആരംഭിക്കുന്ന തിരുനാള്‍ പ്രദക്ഷിണം രാത്രി 7 മണിക്ക് പള്ളിയില്‍ സമാപിക്കും.
തുടര്‍ന്ന് പരിശുദ്ധ കുര്‍ബാനയുടെ ആശീര്‍വാദം, ലൈറ്റ് ഷോ, വര്‍ണവിസ്മയം, വാദ്യമേളങ്ങള്‍ എന്നിവ ഉണ്ടായിരിക്കും.
28ന് രാവിലെ 6.30ന് പൂര്‍വികര്‍ക്കുവേണ്ടിയുള്ള ദിവ്യബലി, സെമിത്തേരി സന്ദര്‍ശനം, ഒപ്പീസ് എന്നിവ ഉണ്ടായിരിക്കും.
വൈകീട്ട് 6.30ന് അങ്ങാടി അമ്പ് മണ്ണാര്‍മൂലയില്‍ നിന്ന് ആരംഭിച്ച് രാത്രി 10ന് പള്ളിയില്‍ സമാപിക്കും.
എട്ടാമിട തിരുനാള്‍ ദിനമായ മെയ് 4ന് രാവിലെ 9 മണിക്ക് തിരുനാള്‍ ദിവ്യബലി, സന്ദേശം, പ്രദക്ഷിണം.
ഫാ. ജോണ്‍ പോള്‍ ഒഎഫ്എം മുഖ്യകാര്‍മികത്വം വഹിക്കും.
വൈകീട്ട് 5 മണിക്ക് നടക്കുന്ന ദിവ്യബലിക്ക് ഫാ. ബിനോയ് പൊഴോലിപറമ്പില്‍ കാര്‍മികനായിരിക്കും.
6ന് ഇടവകദിനത്തോടനുബന്ധിച്ച് പൊതുസമ്മേളനവും കലാവിരുന്നും ഉണ്ടായിരിക്കും.
Leave a Reply