ഇരിങ്ങാലക്കുട : സംസ്ഥാനത്തോടുള്ള കേന്ദ്ര സർക്കാരിൻ്റെ അവഗണനക്കെതിരെ ഫെബ്രുവരി 25ന് സി.പി.എം. നേതൃത്വത്തിൽ തൃശൂർ ബി.എസ്.എൻ.എൽ. ഓഫീസ് ഉപരോധിക്കും. ഇതിൻ്റെ പ്രചരണാർത്ഥം ഇരിങ്ങാലക്കുട ഏരിയ കമ്മിറ്റിയുടെ നേതൃത്വത്തിലുള്ള കാൽനട പ്രചാരണ ജാഥ പര്യടനം തുടരുന്നു.
ബുധനാഴ്ച രാവിലെ എടക്കുളം നെറ്റിയാട് സെൻ്ററിൽ നിന്ന് ആരംഭിച്ച പര്യടനം നടവരമ്പ്, കൊറ്റനെല്ലൂർ, അവിട്ടത്തൂർ, പുല്ലൂർ, ആനരുളി എന്നിവിടങ്ങളിലെ സ്വീകരണങ്ങൾക്കു ശേഷം മുരിയാട് പഞ്ചായത്ത് ഓഫീസ് പരിസരത്ത് സമാപിച്ചു.
സ്വീകരണ കേന്ദ്രങ്ങളിൽ ക്യാപ്റ്റൻ വി. എ. മനോജ് കുമാർ, വൈസ് ക്യാപ്റ്റൻ ആർ. എൽ. ശ്രീലാൽ, മാനേജർ കെ. സി. പ്രേമരാജൻ, കെ. പി. ജോർജ്, സി. ഡി. സിജിത്ത്, ടി. ജി. ശങ്കരനാരായണൻ, ലത ചന്ദ്രൻ എന്നിവർ പ്രസംഗിച്ചു.
സമാപന സമ്മേളനം ജില്ല കമ്മിറ്റി അംഗം അഡ്വ. കെ. ആർ. വിജയ ഉദ്ഘാടനം ചെയ്തു. മുരിയാട് ലോക്കൽ സെക്രട്ടറി പി. ആർ. ബാലൻ അധ്യക്ഷനായി.
ഇന്ന് രാവിലെ പുത്തൻ തോട് സെൻ്ററിൽ നിന്ന് ആരംഭിച്ച പ്രചാരണ ജാഥ ഠാണാവിൽ സമാപിക്കും.
Leave a Reply