ഇരിങ്ങാലക്കുട : പുല്ലൂറ്റ് ഗവ. കെ. കെ. ടി. എം. കോളെജിലെ ഭൂമിത്രസേന ക്ലബ്ബ്, സുവോളജി, ബോട്ടണി വിഭാഗങ്ങൾ, നേച്ചർ ക്ലബ്ബ് എന്നിവർ സംയുക്തമായി ലോക തണ്ണീർത്തട ദിനാഘോഷം സംഘടിപ്പിച്ചു.
കോളെജിന്റെ അധീനതയിലുള്ള ചാപ്പാറ കണ്ടൽ വനത്തിൽ കണ്ടലുകളുടെ പരിസ്ഥിതിയിലുളള പ്രാധാന്യത്തെ കുറിച്ചുള്ള ഫീൽഡ് ട്രെയിനിംഗ് ആയാണ് പരിപാടി സംഘടിപ്പിച്ചത്.
പ്രിൻസിപ്പൽ പ്രൊഫ. ഡോ. ടി.കെ. ബിന്ദു ശർമ്മിള ഉദ്ഘാടനം ചെയ്തു.
പ്രമുഖ പരിസ്ഥിതി പ്രവർത്തകൻ ഐ. ബി. മനോജ് കുമാർ പരിശീലന ക്ലാസ് നയിച്ചു.
കണ്ടലുകൾ ജൈവവൈവിധ്യ സംരക്ഷണത്തിന് അനിവാര്യമാണെന്നും തീരപ്രദേശങ്ങളുടെ സംരക്ഷണത്തിനും കാലാവസ്ഥാ വ്യതിയാനത്തിനെതിരായ പ്രതിരോധത്തിനും ഇവ അതിപ്രധാനമാണെന്നും അദ്ദേഹം പറഞ്ഞു.
ഭൂമിത്രസേന കോർഡിനേറ്റർ കെ. സി. സൗമ്യ, നേച്ചർ ക്ലബ് കോർഡിനേറ്റർ ആർ. രാഗ, അധ്യാപകരായ എൻ. കെ. പ്രസാദ്, റെമീന കെ. ജമാൽ എന്നിവർ നേതൃത്വം നൽകി.
വിവിധ വിഭാഗങ്ങളിൽ നിന്നായി നിരവധി വിദ്യാർഥികളും അധ്യാപകരും പ്രസ്തുത പരിപാടിയിൽ പങ്കെടുത്തു.
Leave a Reply