ഇരിങ്ങാലക്കുട : ടൗൺ അമ്പ് ഫെസ്റ്റിൻ്റെ കൊടിയേറ്റം കത്തീഡ്രൽ വികാരി റവ.
ഡോ. ലാസർ കുറ്റിക്കാടൻ നിർവ്വഹിച്ചു.
തുടർന്ന് നടന്ന സമ്മേളനത്തിൽ ദീപാലങ്കാരങ്ങളുടെ സ്വിച്ച് ഓൺ കർമ്മം ഇരിങ്ങാലക്കുട സർക്കിൾ ഇൻസ്പെക്ടർ
അനീഷ് കരീം നിർവ്വഹിച്ചു.
ചടങ്ങിൽ അമ്പ് ഫെസ്റ്റ് ജനറൽ കൺവീനർ ജിക്സൺ മങ്കിടിയാൻ അധ്യക്ഷത വഹിച്ചു.
നഗരസഭ പ്രതിപക്ഷ നേതാവ് അഡ്വ. കെ.ആർ. വിജയ, അമ്പ് ഫെസ്റ്റ് പ്രസിഡന്റ് റെജി മാളക്കാരൻ, സെക്രട്ടറി ബെന്നി വിൻസെന്റ്, ട്രഷറർ വിൻസന്റ് കോമ്പാറക്കാരൻ, പ്രോഗ്രാം കൺവീനർ ടെൽസൺ കോട്ടോളി, പബ്ലിസിറ്റി കൺവീനർ അഡ്വ. ഹോബി ജോളി, ദീപാലങ്കാര കൺവീനർ ഡയസ് ജോസഫ് എന്നിവർ ആശംസകൾ നേർന്നു.
ജോയിൻ്റ് കൺവീനർമാരായ ഡേവിസ് ചക്കാലക്കൽ, ജോബി അക്കരക്കാരൻ, ജോജോ പള്ളൻ, റപ്പായി മാടാനി, പോളി കോട്ടോളി, ബെന്നി ചക്കാലക്കൽ, ബെന്നി കോട്ടോളി, അലിഭായ്, സാബു കൂനൻ, ജോയ് ചെറയാലത്ത്, ജോജോ കൂനൻ എന്നിവർ പ്രസംഗിച്ചു.
ചടങ്ങിൽ ജീവകാരുണ്യ പ്രവർത്തകൻ വിപിൻ പാറമേക്കാട്ടിലിനെ ആദരിച്ചു.
ടൗൺ അമ്പ് ഫെസ്റ്റിന്റെ രണ്ടാം ദിനമായ ബുധനാഴ്ച വൈകീട്ട് 7 മണിക്ക് മതസൗഹാർദ്ദ സമ്മേളനവും തിരുവനന്തപുരം ഡിജിറ്റൽ വോയ്സിന്റെ ഓർക്കസ്ട്ര ഗാനമേള, വ്യാഴാഴ്ച വൈകീട്ട് 4 മണിക്ക് മാർക്കറ്റ് ജംഗ്ഷനിൽ ബാൻഡ് വാദ്യ പ്രദർശനം എന്നിവ ഉണ്ടായിരിക്കും.
5 മണിക്ക് അമ്പ് പ്രദക്ഷിണം ആരംഭിക്കും. ചന്തക്കുന്ന്, മൈതാനം വഴി ഠാണാവിലൂടെ 11.30ന് കത്തീഡ്രൽ പള്ളിയിൽ സമാപിക്കും. തുടർന്ന് വർണ്ണമഴ.
7 മണിക്ക് പ്രദക്ഷിണം മുനിസിപ്പൽ മൈതാനിയിൽ എത്തുമ്പോൾ സംഘടിപ്പിക്കുന്ന വിശ്വസാഹോദര്യ ദീപപ്രോജ്വലനത്തിൽ നിസാർ അഷ്റഫിന്റെ നേതൃത്വത്തിൽ പതിനായിരം മെഴുകുതിരികൾ തെളിയിക്കും.
Leave a Reply