ഇരിങ്ങാലക്കുട : കരൂപ്പടന്ന വാഗസ് ഒരുക്കുന്ന പടിയത്ത് പുത്തൻകാട്ടിൽ ഇബ്രാഹിംകുട്ടി സ്മാരക അഖിലേന്ത്യ ഫുട്ബോൾ ടൂർണ്ണമെൻ്റ് ഏപ്രിൽ 4 മുതൽ 19 വരെ കരൂപ്പടന്ന ഹയർ സെക്കന്ററി സ്കൂൾ ഫ്ലഡ് ലൈറ്റ് സ്റ്റേഡിയത്തിൽ നടക്കും.
ഇതിന്റെ ഭാഗമായി പള്ളിനടയിൽ ആരംഭിച്ച സംഘാടക സമിതി ഓഫീസ് പഞ്ചായത്ത്‌ പ്രസിഡന്റ്‌ നിഷ ഷാജി ഉദ്ഘാടനം ചെയ്തു.
സംഘാടക സമിതി ചെയർമാൻ അയൂബ് കരൂപ്പടന്ന അധ്യക്ഷത വഹിച്ചു.
പടിയത്ത് പുത്തൻകാട്ടിൽ അബ്ദുൽ ഗഫൂർ ഹാജി മുഖ്യാഥിതിയായി.
മുഖ്യ രക്ഷാധികാരി ഫസൽ പുത്തൻകാട്ടിൽ, ക്ലബ് പ്രസിഡന്റ്‌ വി.ഐ. അഷ്‌റഫ്‌, കെ.എം. ഷമീർ, മനോജ്‌ അന്നിക്കര, ഫഹദ് പുളിക്കൻ, നൂറുദ്ദീൻ, അബൂബക്കർ, ജിത്തു ശിഹാബ് എന്നിവർ പ്രസംഗിച്ചു.
വാഗസ് ക്ലബിൻ്റെ നേതൃത്വത്തിൽ 1000 ഡയാലിസിസ് കിറ്റുകൾ സൗജന്യമായി നൽകുന്ന ”സ്നേഹസ്പർശം” പദ്ധതിക്ക് ഫണ്ട്‌ കണ്ടെത്തുന്നതിൻ്റെ ഭാഗമായാണ് മത്സരം സംഘടിപ്പിക്കുന്നത്.
Leave a Reply