മനോജ്
ഇരിങ്ങാലക്കുട : നടവരമ്പ് കോലോത്തുംപടി മാതൃപ്പിള്ളി കുട്ടപ്പൻ മകൻ മനോജ് (56) നിര്യാതനായി.
സംസ്കാരം വ്യാഴാഴ്ച (ജൂൺ 11) രാവിലെ 11 മണിക്ക് പൂമംഗലം ശാന്തിതീരം ക്രിമിറ്റോറിയത്തിൽ.
ഭാര്യ : സജിത
മക്കൾ : നിഖിൽ, അമൃത
പ്രതിബദ്ധത ജനങ്ങളോട് മാത്രം….
IRINJALAKUDA TIMES
വെള്ളാങ്ങല്ലൂർ മർച്ചന്റ് അസോസിയേഷൻ വനിതാ- യൂത്ത് വിംഗ് യോഗം നടത്തി
ഇരിങ്ങാലക്കുട : വെള്ളാങ്ങല്ലൂർ മർച്ചന്റ് അസോസിയേഷൻ വനിതാ- യൂത്ത് വിംഗ് സംയുക്ത യോഗം നടത്തി.
പ്രസിഡന്റ് ടി.എ. ബഷീറിന്റെ നേതൃത്വത്തിൽ നടന്ന യോഗത്തിൽ നിയോജക മണ്ഡലം യൂത്ത് വിംഗ് പ്രസിഡന്റ് വിനോദ് കക്കറ, നിയോജക മണ്ഡലം വനിതാ വിംഗ് പ്രസിഡൻ്റ് അനിത, സെക്രട്ടറി എം.കെ. ഈനാശു, ട്രഷറർ സണ്ണി ചെറിയാൻ, അസോസിയേഷൻ കമ്മിറ്റി അംഗങ്ങൾ, മറ്റു വനിതാ യൂത്ത് വിംഗ് അംഗങ്ങൾ തുടങ്ങിയവർ പങ്കെടുത്തു.
സുജിത് ബാബു (പ്രസിഡന്റ്), ഫൈസൽ (സെക്രട്ടറി), അനീസ് (വൈസ് പ്രസിഡന്റ്), ശിഹാബ് (ജോയിന്റ് സെക്രട്ടറി), ജിൻസോ ജോയ് (ട്രഷറർ)
എന്നിവരെ യൂത്ത് വിംഗിന്റെയും, സീനത്ത് സുലൈമാൻ (പ്രസിഡന്റ്), അഞ്ജു ബിജു (സെക്രട്ടറി), സിന്ധു ദിവാകരൻ (വൈസ് പ്രസിഡന്റ്), സിജി ലാർസൺ (ജോയിന്റ് സെക്രട്ടറി), വിനിത (ട്രഷറർ) എന്നിവരെ വനിതാ വിംഗിന്റെയും പുതിയ ഭാരവാഹികളായി തെരഞ്ഞെടുത്തു.
പെട്രോൾ, ഡീസൽ, പാചക വാതക വിലവർദ്ധനവിനെതിരെ പ്രതിഷേധ പ്രകടനം നടത്തി സിപിഐ
ഇരിങ്ങാലക്കുട : പെട്രോൾ, ഡീസൽ, പാചക വാതക വിലവർദ്ധനവിനെതിരെ സിപിഐ സംസ്ഥാന കൗൺസിൽ ആഹ്വാനപ്രകാരം ഇരിങ്ങാലക്കുട മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ പ്രകടനം നടത്തി.
ജില്ലാ എക്സിക്യൂട്ടീവ് അംഗം പി. മണി ഉദ്ഘാടനം ചെയ്തു.
മണ്ഡലം സെക്രട്ടറി എൻ.കെ. ഉദയപ്രകാശ് അധ്യക്ഷത വഹിച്ചു.
കെ.എസ്. പ്രസാദ്, അൽഫോൺസ തോമസ്, വി.ആർ. രമേശ്, കെ.എസ്. ബൈജു, അനിത രാധാകൃഷ്ണൻ, ബെന്നി വിൻസെന്റ് എന്നിവർ പ്രസംഗിച്ചു.
ആയുഷ് ക്ലബ്ലിൻ്റെ ആഭിമുഖ്യത്തിൽ വിദ്യാർഥികൾക്ക് വ്യക്തിത്വ വികസന ക്ലാസ് സംഘടിപ്പിച്ചു
ഇരിങ്ങാലക്കുട : ആയുർവ്വേദ മെഡിക്കൽ അസോസിയേഷൻ്റെ പദ്ധതിയായ ആയുഷ് ക്ലബ്ബിൻ്റെ ആഭിമുഖ്യത്തിൽ ആനന്ദപുരം ശ്രീകൃഷ്ണ ഹൈസ്കൂളിൽ വിദ്യാർഥികൾക്ക് വ്യക്തിത്വ വികസന ക്ലാസ്സ് പരമ്പരയ്ക്ക് തുടക്കമായി.
വൈകാരിക നിയന്ത്രണത്തെക്കുറിച്ച് ഡോ. തുഷാര ജോയ് ക്ലാസ്സെടുത്തു.
ആത്മ ആയുർവേദ സെൻ്റർ എംഡി ഡോ. രവി മൂസ്സ്, ഡോ. ആര്യ, ഡോ. പി. ശ്രുതി, ഡോ. പി. രാധാമണി, സംഗമേശ്വര ആയുർവ്വേദ ഗ്രാമം ഡയറകടർ ഡോ. കേസരി മേനോൻ, അധ്യാപകരായ ബി. ബിജു, സി.പി. രജിത, ഇ.പി. ഹരി, ബിന്ദു ജി. കുട്ടി എന്നിവർ ക്ലാസ്സുകൾക്ക് നേതൃത്വം നൽകി.
പദ്ധതിയുടെ ഭാഗമായി മാർച്ച് വരെയുള്ള കാലയളവിൽ വിദ്യാർഥികൾക്കും രക്ഷിതാക്കൾക്കും വിവിധ മേഖലകളിൽ പഠന ക്ലാസ്സുകൾ സംഘടിപ്പിക്കും.
ലോകകപ്പിന്റെ ആവേശം തലയിലേറ്റി അരിപ്പാലം സ്വദേശി മണി
ഇരിങ്ങാലക്കുട : ബ്രസീലിൻ്റെ കടുത്ത ആരാധകനായ അരിപ്പാലം സ്വദേശി മണി എല്ലാ ലോകകപ്പിനും ആവേശം തലയിലേറ്റും.
ഇത്തവണയും തലയിൽ ബ്രസീലിന്റെ പേരും പതാകയുടെ നിറവും ഡിസൈൻ ചെയ്താണ് മണി തൻ്റെ ആരാധന പ്രകടമാക്കിയത്.
അരിപ്പാലത്ത് സിഐടിയു യൂണിയൻ അംഗമാണ് മണി.
കാർഷിക വികസന സമിതി യോഗം ചേർന്നു
ഇരിങ്ങാലക്കുട : നഗരസഭ കാർഷിക വികസന സമിതി യോഗം ഇരിങ്ങാലക്കുട കൃഷിഭവനിൽ ചേർന്നു.
നഗരസഭ വികസനകാര്യ സ്റ്റാൻഡിങ് കമ്മിറ്റി ചെയർമാൻ അഡ്വ. വി.സി. വർഗീസ്സ് അധ്യക്ഷത വഹിച്ചു.
കൃഷി ഫീൽഡ് ഓഫീസർ എം.ആർ. അജിത്കുമാർ പദ്ധതി വിശദികരിച്ചു.
ഈ വർഷത്തെ ഞാറ്റുവേലച്ചന്ത വിപുലമായ രീതിയിൽ കൃഷിഭവനിൽ വച്ച് നടത്തുവാൻ യോഗത്തിൽ തീരുമാനിച്ചു. കർഷകരുടെ വിവിധ വിഷയങ്ങൾ വിശകലം ചെയ്യകയും ചെയ്തു.
കെ.ആർ. ഉണ്ണിച്ചെക്കൻ, സി.ഡി. ജോസ്, കെ.ജെ. ജോൺസൺ എന്നിവർ പ്രസംഗിച്ചു.
പൊറത്തിശ്ശേരി അസിസ്റ്റന്റ് കൃഷി ഓഫീസർ ഷിജു സ്വാഗതവും ഇരിങ്ങാലക്കുട അസിസ്റ്റന്റ് കൃഷി ഓഫീസർ എം.കെ. ഉണ്ണി നന്ദിയും പറഞ്ഞു.
നിയന്ത്രണം വിട്ട കാർ വൈദ്യുതി പോസ്റ്റിലും ഇരുചക്രവാഹനങ്ങളിലും ഇടിച്ച് അപകടം ; അപകടത്തിൽ നിന്ന് തലനാരിഴയ്ക്ക് രക്ഷപ്പെട്ടത് ഗർഭിണി ഉൾപ്പെടെ 6 പേർ
ഇരിങ്ങാലക്കുട : പടിയൂർ കെട്ടുച്ചിറയിൽ നിയന്ത്രണം വിട്ട കാർ വൈദ്യുതി പോസ്റ്റിലും ഇരുചക്ര വാഹനങ്ങളിലും ഇടിച്ച് അപകടം. തിങ്കളാഴ്ച വൈകീട്ട് 4.30 ഓടെയാണ് അപകടം നടന്നത്.
അപകടത്തിൽപ്പെട്ട കാർ എതിരെ വന്നിരുന്ന അഡ്വ. വി.എസ്. സുനിൽകുമാറും മകനും സഞ്ചരിച്ചിരുന്ന ബൈക്കിലും അധ്യാപിക വിഞ്ചു വന്ന സ്കൂട്ടറിലും തട്ടി.
അപകടത്തിൽ ഒടിഞ്ഞ വൈദ്യുത പോസ്റ്റ് ഇതുവഴി വന്ന ഓട്ടോയ്ക്ക് തൊട്ടു മുന്നിലായി വീണു.
പൊട്ടിവീണ വൈദ്യുതി കമ്പികൾക്കിടയിൽ നിന്ന് ബൈക്ക് യാത്രികരും ഓട്ടോറിക്ഷ യാത്രികരും തലനാരിഴയ്ക്കാണ് രക്ഷപ്പെട്ടത്. ഓട്ടോറിക്ഷയിൽ ഒരു ഗർഭിണിയും ഉണ്ടായിരുന്നു.
തുടർന്ന് കെഎസ്ഇബി ഉദ്യോഗസ്ഥർ എത്തി വൈദ്യുതിബന്ധം വിച്ഛേദിച്ചു.
അപകടത്തിൽ പരിക്കേറ്റ വിഞ്ചുവിനെ നിസ്സാര പരിക്കുകളോടെ ആശുപത്രിയിൽ പ്രവേശിപ്പിച്ചു. മറ്റാർക്കും പരിക്കുകളില്ല.
ജനറൽബോഡി യോഗവും പുതിയ എക്സിക്യൂട്ടീവ് കമ്മിറ്റി തിരഞ്ഞെടുപ്പും നടത്തി
ദുബായ് : ഇരിങ്ങാലക്കുട ക്രൈസ്റ്റ് കോളെജ് അലുമിനി യുഎഇ ചാപ്റ്റർ ജനറൽബോഡി യോഗവും പുതിയ എക്സിക്യൂട്ടീവ് കമ്മിറ്റി തിരഞ്ഞെടുപ്പും ദുബായ് ഖുസൈസ് അക്കാഫ് ഓഫീസിൽ വെച്ച് നടത്തി.
എഡ്വിൻ ജോഷി (പ്രസിഡൻ്റ്), ജിഷ്ണു കൃഷ്ണന് (സെക്രട്ടറി), നോയൽ ജോൺസൻ (ട്രഷറർ), നാദിയ സുബിനൻ (വൈസ് പ്രസിഡന്റ്), മുഫ്സീന (ജോയിന്റ് സെക്രട്ടറി), വിഷ്ണു (ജോയിന്റ് ട്രഷറർ), ജിജേഷ് (അക്കാഫ് റപ്പ്), വിദ്യ (ആർട്സ് സെക്രട്ടറി), അക്ഷയ് (സ്പോർട്സ് ക്യാപ്റ്റൻ), സുഭദ്ര (മീഡിയ കോർഡിനേറ്റർ), എം.എസ്. അനസ് (മെമ്പർഷിപ്പ് കോർഡിനേറ്റർ) ഉൾപ്പടെ 30 അംഗ കമ്മിറ്റിയാണ് തിരഞ്ഞെടുക്കപ്പെട്ടത്.
മുൻ പ്രസിഡൻ്റ് പ്രിൻസ്, സെക്രട്ടറി ഷറഫുദ്ദീൻ, ട്രഷറർ ടീജോ, സീനിയർ അംഗങ്ങളായ വിവേക്, ജമാല്, ശന്തനു തുടങ്ങിയവര് തിരഞ്ഞെടുപ്പിന് നേതൃത്വം നല്കി.
എംഎൽഎ എക്സലൻസി പുരസ്കാര സമർപ്പണം ബുധനാഴ്ച മുതൽ
ഇരിങ്ങാലക്കുട : ഇക്കഴിഞ്ഞ എസ്.എസ്.എൽ.സി., ഹയർ സെക്കണ്ടറി, വി.എച്ച്.എസ്.സി., സി.ബി.എസ്.ഇ., ഐ.സി.എസ്.ഇ., ഐ.എസ്.ഇ. പരീക്ഷകളിൽ മുഴുവൻ വിഷയങ്ങളിലും A+ , A1 നേടിയ നിയോജകമണ്ഡലത്തിലെ വിദ്യാർഥികളെയും 100% വിജയം നേടിയ വിദ്യാലയങ്ങളെയും അഡ്വ. തോമസ് ഉണ്ണിയാടൻ എംഎൽഎ എക്സലൻസി പുരസ്കാരം നൽകി ആദരിക്കും.
പുരസ്കാര വിതരണത്തിന്റെ നിയോജകമണ്ഡലംതല ഉദ്ഘാടനം ബുധനാഴ്ച രാവിലെ 10.30ന് നടവരമ്പ് ഗവ. ഹയർ സെക്കണ്ടറി സ്കൂളിൽ നടക്കുമെന്ന് കോർഡിനേറ്റർമാരായ മിനി മോഹൻദാസ്, സേതുമാധവൻ പറയംവളപ്പിൽ എന്നിവർ അറിയിച്ചു.
ഇൻ്റർനാഷണൽ ഫാഷൻ ഷോയിൽ ഇന്ത്യയെ പ്രതിനിധീകരിക്കാനൊരുങ്ങി മൃദുല മനോജ്
ഇരിങ്ങാലക്കുട : തുർക്കിയിൽ വച്ച് നടക്കുന്ന ഇന്റർനാഷണൽ ഫാഷൻ ഷോയിലേക്ക് ‘ലിറ്റിൽ മിസ്സ് യുണൈറ്റഡ് വേൾഡ്- ഇന്ത്യ’ ആയി ഇന്ത്യയെ പ്രതിനിധീകരിക്കാൻ തിരഞ്ഞെടുക്കപ്പെട്ട് മൃദുല മനോജ്.
ഇരിങ്ങാലക്കുട ഭാരതീയ വിദ്യാഭവനിലെ പത്താം ക്ലാസ്സ് വിദ്യാർഥിനിയായ മൃദുല വെള്ളാങ്ങല്ലൂർ തറയിൽ മനോജ് കുമാറിന്റെയും മോന മോഹന്റെയും മകളാണ്.
