IRINJALAKUDA TIMES
ഇരിങ്ങാലക്കുട : അധ്യാപകരെയും ജീവനക്കാരെയും അവഗണിച്ച ജനദ്രോഹ ബഡ്ജറ്റിനെതിരെ ഫെഡറേഷൻ ഓഫ് സ്റ്റേറ്റ് എംപ്ലോയീസ് ആൻഡ് ടീച്ചേർസ് ഓർഗനൈസേഷൻ താലൂക്ക് കമ്മിറ്റി പ്രതിഷേധ പ്രകടനം നടത്തി.
എൻ.ജി.ഒ. യൂണിയൻ ജില്ല ട്രഷറർ പി. രാജേഷ് ഉദ്ഘാടനം ചെയ്തു.
കെഎസ്ടിഎ ഉപജില്ല സെക്രട്ടറി കെ.ആർ. സത്യപാലൻ അധ്യക്ഷത വഹിച്ചു.
ഫെഡറേഷൻ ഓഫ് സ്റ്റേറ്റ് എംപ്ലോയീസ് ആൻഡ് ടീച്ചേർസ് ഓർഗനൈസേഷൻ താലൂക്ക് സെക്രട്ടറി രേഖ സ്വാഗതവും യൂണിയൻ സെക്രട്ടറി എം.എസ്. ചിക്കു നന്ദിയും പറഞ്ഞു.
ഇരിങ്ങാലക്കുട : പൊറത്തിശ്ശേരി മഹാത്മാ എൽ.പി. & യു.പി. സ്കൂളിൽ വായനാദിനം വിവിധ പരിപാടികളോടെ ആചരിച്ചു.
ഇരിങ്ങാലക്കുട ബിപിസി കെ.ആർ. സത്യപാലൻ ഉദ്ഘാടനം ചെയ്തു.
ചടങ്ങിൽ വായനയുടെ മഹത്വത്തെക്കുറിച്ചും പുസ്തകങ്ങളുടെ പ്രാധാന്യത്തെക്കുറിച്ചും കുട്ടികൾക്ക് വിശദീകരിച്ചു കൊടുത്തു.
വായനാദിനാചരണത്തിന്റെ ഭാഗമായി അമ്മവായനയുടെ ഉദ്ഘാടനം പി.ടി.എ. പ്രസിഡൻ്റ് കാർത്തിക സന്തോഷ് നിർവഹിച്ചു.
കുട്ടികൾ തയ്യാറാക്കിക്കൊണ്ടുവന്ന പതിപ്പ്, ചുമർപത്രിക, പോസ്റ്റർ, മാഗസിൻ എന്നിവയുടെ ഉദ്ഘാടനവും ചടങ്ങിൽ നടത്തി.
തുടർന്ന് കുട്ടികൾ അവതരിപ്പിച്ച ഗാനാലാപനം, വായനാദിന സന്ദേശം, തുടങ്ങിയ വിവിധ പരിപാടികൾ അരങ്ങേറി.
അധ്യാപകരായ എൻ.പി. രജനി സ്വാഗതവും ദീപ നന്ദിയും പറഞ്ഞു.
ശേഷം വായനയുടെ പ്രാധാന്യത്തെക്കുറിച്ചുള്ള മുദ്രാവാക്യം ചൊല്ലിക്കൊണ്ട് റാലിയും അരങ്ങേറി.
ഇരിങ്ങാലക്കുട : കാറളം എ.എൽ.പി. സ്കൂളിൽ വായനാദിനാചരണം നടത്തി.
പഞ്ചായത്തംഗം അഡ്വ. അനീഷ് ശശിധരൻ ഉദ്ഘാടനം ചെയ്തു.
ബിപിസി കെ.ആർ. സത്യപാലൻ മുഖ്യാതിഥിയായി.
പ്രധാന അധ്യാപിക ടി.എൻ. മഞ്ജു സ്വാഗതം പറഞ്ഞു.
പി.ടി.എ. പ്രസിഡന്റ് കെ.എ. അലീഫ അധ്യക്ഷത വഹിച്ചു.
റസിയ, ഷെരിഫ്, നിഷ എന്നിവർ പ്രസംഗിച്ചു.
ഇരിങ്ങാലക്കുട : നടവരമ്പ് ഗവ. മോഡൽ ഹയർ സെക്കൻ്ററി സ്കൂളിൽ വായന പക്ഷാചരണത്തിന് തുടക്കമായി.
മുകുന്ദപുരം താലൂക്ക് ലൈബ്രറി കൗൺസിൽ സെക്രട്ടറിയും സാംസ്കാരിക പ്രവർത്തകനുമായ രാജൻ നെല്ലായി ഉദ്ഘാടനം നിർവഹിച്ചു.
കഥയും കവിതയും പാട്ടും പറച്ചിലുമായി വായനയുടെ പ്രാധാന്യത്തെക്കുറിച്ച് അദ്ദേഹം കുട്ടികളുമായി സംവദിച്ചു.
പി.ടി.എ. പ്രസിഡൻ്റ് ശ്രീഷ്മ സലീഷ് അധ്യക്ഷത വഹിച്ചു.
അധ്യാപകരായ എം.കെ. സീന, സി.വി. സ്വപ്ന, പി.ഡി. മിനി എന്നിവർ ആശംസകൾ നേർന്നു.
തുടർന്ന് വായനാദിന പ്രതിജ്ഞ, വിദ്യാർഥികളുടെ വിവിധ കലാപരിപാടികൾ എന്നിവ അരങ്ങേറി.
ഹെഡ്മിസ്ട്രസ്സ് എം.വി. ഉഷ സ്വാഗതവും അധ്യാപിക ഇ.എസ്. ഷീബ നന്ദിയും പറഞ്ഞു.
ഇരിങ്ങാലക്കുട : ആനന്ദപുരം ശ്രീകൃഷ്ണ ഹയർ സെക്കൻഡറി സ്കൂളിലെ വായന മാസാചരണത്തിന്റെ ഉദ്ഘാടനം ഇരിങ്ങാലക്കുട സംഗമേശ്വര ആയുർവേദ ഗ്രാമം ഡയറക്ടറും വൈജ്ഞാനിക സാഹിത്യകാരനുമായ ഡോ. കേസരി മേനോൻ നിർവഹിച്ചു.
പി.ടി.എ. പ്രസിഡൻ്റ് ശ്രീജിത്ത് പട്ടത്ത് അധ്യക്ഷത വഹിച്ചു.
മുരിയാട് പഞ്ചായത്ത് അംഗം പി.എസ്. അജീഷ് മുഖ്യാതിഥിയായി.
ഹെഡ്മിസ്ട്രസ്സ് ടി. അനിൽകുമാർ സ്വാഗതം ആശംസിച്ചു.
മാനേജ്മെന്റ് പ്രതിനിധി എൻ. വാസുദേവൻ, പി.ടി.എ. വൈസ് പ്രസിഡന്റ് ധന്യ ബിജു, സ്റ്റാഫ് പ്രതിനിധി ബി. ബിജു, ലൈബ്രറി ഇൻ ചാർജ് ബിന്ദു ജി. കുട്ടി, അധ്യാപകരായ സി.സി. പ്രിയ, എം.എസ്. സൗമ്യ എന്നിവർ പ്രസംഗിച്ചു.
തുടർന്ന് ഡോ. കേസരി മേനോൻ നയിച്ച “വരമൊഴിയുടെ ദൃശ്യചാതുര്യം” ശില്പശാല അരങ്ങേറി.
പരിയാരം : വായനാദിനത്തിൽ ബസ്സ് കാത്തിരിപ്പുകേന്ദ്രം വായനശാലയാക്കിയ വാർഡ് മെമ്പറുടെ ആശയം വേറിട്ടതും ശ്രദ്ധേയവുമായി.
പരിയാരം പഞ്ചായത്തിൽ 14-ാം വാർഡിൽ വേളൂക്കര സായിവിൻ്റെ സ്റ്റോപ്പിൽ പുതുതായി നിർമ്മിച്ച ബസ് സ്റ്റോപ്പാണ് വായനശാല കൂടിയായി മാറിയത്.
പറുദീസ റിട്ടയർമെൻ്റ് ലിവിങ് ഹോംസ് എന്ന സ്ഥാപനമാണ് 2.5 ലക്ഷം രൂപ ചെലവഴിച്ച് അതിരപ്പിള്ളി അന്തർ സംസ്ഥാന പാതയിൽ ആധുനികരീതിയിൽ ബസ് സ്റ്റോപ്പ് നിർമ്മിച്ച് നൽകിയത്. വാർഡ് മെമ്പർ കൂടിയായ വി.എം. ടെൻസൻ്റെ ആശയത്തിൽ ലോക വായനാദിനത്തെ ബന്ധപ്പെടുത്തി പ്രസ്തുത ബസ്സ് കാത്തിരിപ്പ് കേന്ദ്രത്തെ ഒരു വായനശാലയാക്കി ക്രമീകരിക്കുകയായിരുന്നു.
ബസ്സ് കാത്തിരിപ്പ് കേന്ദ്രത്തിൻ്റെ പുറകുവശത്ത് പുസ്തകങ്ങൾ വെക്കുവാൻ പുതിയൊരു ഷെൽഫ് പണിത് അതിലേക്ക്
300ഓളം പുസ്തകങ്ങൾ ശേഖരിച്ച്
വായനശാലയാക്കി തീർക്കുകയാണ് ചെയ്തത്.
ബസ് കാത്തുനിൽക്കുന്ന സമയത്തെ വിരസത ഒഴിവാക്കി പുസ്തകങ്ങൾ വായിക്കാമെന്ന് മാത്രമല്ല പുസ്തകങ്ങൾ രജിസ്റ്ററിൽ എഴുതി വീട്ടിലേക്ക് കൊണ്ടു പോകുകയും ചെയ്യാം.
വായനാദിനത്തിൽ ഒരുക്കിയ ബസ്സ് സ്റ്റോപ്പ് കം വായനശാല കാണുവാനും മറ്റുമായി നിരവധി പേരാണ് എത്തുന്നത്.
വായനാശാലയുടെയും ബസ്സ് കാത്തിരിപ്പ് കേന്ദ്രത്തിൻ്റെയും ഉദ്ഘാടനം പഞ്ചായത്ത് പ്രസിഡൻ്റ് ഷാജി ജോസഫ് നിർവഹിച്ചു.
മുഖ്യാതിഥിയായ പഞ്ചായത്ത് വൈസ് പ്രസിഡൻ്റ് ജിപ്സി ജെയ്റ്റസ് വായനാദിന സന്ദേശം നൽകി.
വാർഡ് മെമ്പർ വി.എം. ടെൻസൻ, പറുദീസ റിട്ടയർ ലിവിങ് ഹോംസ് മാനേജിങ് ഡയറക്ടർ ജീസ് ലാസർ, ആരോഗ്യ സ്റ്റാൻഡിങ് കമ്മിറ്റി ചെയർമാൻ എം.സി. വിഷ്ണു, ലിജി സെബാസ്റ്റ്യൻ, എം.കെ. അംബിക, ജോസഫ് കറുത്തനാടൻ, എം.എൽ. ജോസഫ്, വി.സി. സ്റ്റാബി, ഷൈനി അശോകൻ, ടി.സി. അനൂപ് എന്നിവർ പ്രസംഗിച്ചു.
ഇരിങ്ങാലക്കുട : ക്രൈസ്റ്റ് കോളെജിൽ വായനാ വാരാചരണവും പുസ്തക പ്രകാശനവും സെമിനാറും സംഘടിപ്പിച്ചു.
‘വായനയുടെ വഴികൾ’ എന്ന വിഷയത്തെ ആസ്പദമാക്കി പ്രശസ്ത കവി സെബാസ്റ്റ്യൻ മുഖ്യപ്രഭാഷണം നടത്തിയ ചടങ്ങിൽ മലയാള വിഭാഗം അധ്യാപിക അമ്പിളി ടീച്ചറുടെ ‘സീത – വികാരം, വിചാരം, വായന’ എന്ന അഞ്ചാമത്തെ പുസ്തകം കവി പ്രകാശനം ചെയ്തു.
പ്രിൻസിപ്പൽ ഫാ. ഡോ. ജോളി ആൻഡ്രൂസ് അധ്യക്ഷത വഹിച്ചു.
മലയാള വിഭാഗം മേധാവി ഫാ. ടെജി കെ. തോമസ് സ്വാഗതവും, പുസ്തക രചയിതാവ് അമ്പിളി ടീച്ചർ നന്ദിയും പറഞ്ഞു.
വിവിധ വകുപ്പുകളിലെ അധ്യാപകരും വിദ്യാർഥികളും ചടങ്ങിൽ പങ്കെടുത്തു.
വിദ്യാർഥികൾക്കായുള്ള പുസ്തകാസ്വാദനക്കുറിപ്പ് മത്സരവും
പ്രശ്നോത്തരിയും വായനാവാരാചരണത്തെ അർത്ഥവത്താക്കി.
ഇരിങ്ങാലക്കുട : ക്ലീൻ പടിയൂർ പൊതുയിട ശുചീകരണ യജ്ഞത്തിന്റെ ഭാഗമായി സംഘടിപ്പിക്കുന്ന സ്നേഹാരാമം പദ്ധതി 4-ാം വാർഡിൽ ചേലൂർ പള്ളിയ്ക്ക് സമീപം പൊതുയിടം വൃത്തിയാക്കി ചെണ്ടുമല്ലി ചെടികൾ നട്ട് ചേലൂർ പള്ളി വികാരി തോമസ് പുതുശ്ശേരി ഉദ്ഘാടനം ചെയ്തു.
പഞ്ചായത്ത് പ്രസിഡന്റ് കെ.പി. കണ്ണൻ അധ്യക്ഷത വഹിച്ചു.
മുൻ പഞ്ചായത്ത് പ്രസിഡന്റ് ലത സഹദേവൻ സ്വാഗതം പറഞ്ഞു.
എടതിരിഞ്ഞി റസിഡൻ്റ്സ് അസോസിയേഷൻ സെക്രട്ടറി വിനോദ് കീഴായിൽ ആശംസകൾ നേർന്നു.
പരിചരണ ചുമതല നാലാം വാർഡിലെ ദീപം കുടുംബശ്രീ അംഗങ്ങൾക്കാണ്.
ഇരിങ്ങാലക്കുട : പുസ്തകാസ്വാദനവും ചർച്ചയും വായനാനുഭവങ്ങൾ പങ്കുവയ്ക്കലും സ്വന്തം രചനകളുടെ അവതരണവുമായി മുകുന്ദപുരം താലൂക്ക് എൻ.എസ്.എസ്. യൂണിയൻ വായനാദിനം ആചരിച്ചു.
യൂണിയൻ ഓഫീസ് അങ്കണത്തിൽ ചേർന്ന സഹൃദയ സദസ്സ് കവി ശ്രീജ വിധു ഉദ്ഘാടനം ചെയ്തു.
എൻ.എസ്.എസ്. കരയോഗങ്ങളിലെ എഴുത്തുകാരുടെയും വായനക്കാരുടെയും കൂട്ടായ്മയായ സാഹിതീയത്തിന്റെ ഉദ്ഘാടനവും നിർവഹിച്ചു.
താലൂക്ക് യൂണിയൻ വൈസ് പ്രസിഡൻ്റ് ആർ. ബാലകൃഷ്ണൻ അധ്യക്ഷത വഹിച്ചു.
എൻ. ഗോവിന്ദൻകുട്ടി സ്വാഗതവും സി. വിജയൻ നന്ദിയും പറഞ്ഞു.
കെ.ആർ. മീരയുടെ കല്ലാച്ചി എന്ന നോവൽ അവതരിപ്പിച്ച് യു.എസ്. അജയകുമാർ സംസാരിച്ചു.
പ്രൊഫ. സാവിത്രി ലക്ഷ്മണൻ, ഡോ. കെ. രമാദേവി, ദേവിക പീതാംബരൻ, ജയശ്രീ അജയ്, അരുൺ ഗാന്ധിഗ്രാം, മധു പേരൊഴി, രാമചന്ദ്രൻ ചെമ്പഴി തുടങ്ങിയവർ ചർച്ചയിൽ പങ്കെടുത്തു.
ഇരിങ്ങാലക്കുട : ബിജെപി പട്ടികജാതി മോർച്ച തൃശൂർ സൗത്ത് ജില്ലാ കമ്മിറ്റിയുടെ ആഭിമുഖ്യത്തിൽ മഹാത്മാ അയ്യങ്കാളി സ്മൃതിദിനം സംഘടിപ്പിച്ചു.
ബിജെപി പട്ടികജാതി മോർച്ച സംസ്ഥാന പ്രസിഡന്റ് ഷാജുമോൻ വട്ടേക്കാട് സ്മൃതിദിനം ഉദ്ഘാടനം ചെയ്തു.
മഹാത്മാ അയ്യങ്കാളിയെ കേരളത്തിന് പുറത്തു പരിചയപ്പെടുത്തിയത് പ്രധാനമന്ത്രി നരേന്ദ്രമോദിയും മുൻ ഉപപ്രധാനമന്ത്രി ലാൽ കൃഷ്ണ അദ്വാനിയും ആണെന്ന് അദ്ദേഹം പറഞ്ഞു.
ബിജെപി എസ്സി മോർച്ച സൗത്ത് ജില്ലാ കമ്മിറ്റി പ്രസിഡൻ്റ് രാജേഷ് കൊട്ടാരത്ത് അധ്യക്ഷത വഹിച്ചു.
ബിജെപി ജില്ലാ ജനറൽ സെക്രട്ടറി കൃപേഷ് ചെമ്മണ്ട, ജില്ലാ നേതാക്കളായ ലോജനൻ അമ്പാട്ട്, കെ.കെ. അജയകുമാർ, അജീഷ് പൈക്കാട്ട്, ശ്യാംജി മാടത്തിങ്കൽ, സുമേഷ് ആളൂർ, സജി പുതുശ്ശേരി, വത്സല നന്ദനൻ എന്നിവർ പ്രസംഗിച്ചു.
