ഇരിങ്ങാലക്കുട : കർഷക ദിനത്തോടനുബന്ധിച്ച് പടിയൂർ കൃഷിഭവന്റെയും പടിയൂർ പഞ്ചായത്തിന്റെയും എടതിരിഞ്ഞി സർവീസ് സഹകരണ ബാങ്കിന്റെയും പടിയൂർ, എടതിരിഞ്ഞി ക്ഷീരോൽപാദക സംഘങ്ങളുടെയും കാർഷിക വികസന സമിതി അംഗങ്ങളുടെയും സഹകരണത്തോടെ കർഷക ദിനാഘോഷ പരിപാടികൾ സംഘടിപ്പിച്ചു.
പടിയൂർ പഞ്ചായത്ത് പ്രസിഡന്റ് കെ.പി. കണ്ണൻ അധ്യക്ഷത വഹിച്ചു.
തോമസ് ഉണ്ണിയാടൻ എംഎൽഎ ഉദ്ഘാടനം ചെയ്തു.
വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡന്റ് വത്സല ബാബു മുഖ്യാതിഥിയായി.
വെള്ളാങ്ങല്ലൂർ ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സുമ രാമൻ, പടിയൂർ പഞ്ചായത്ത് വൈസ് പ്രസിഡന്റ് ഷീജ ജോയ്, വികസന സ്റ്റാൻഡിങ് കമ്മിറ്റി ചെയർപേഴ്സൺമാരായ സുധ ദിലീപ്, ഹജീഷ്, ഈശ്വരി ജയൻ, വെള്ളാങ്ങല്ലൂർ ബ്ലോക്ക് മെമ്പർ ജിതിൽ ഗോപി, വാർഡ് മെമ്പർമാരായ ബിനോയ് കോലാന്ത്ര, ദശോബ്, എടതിരിഞ്ഞി സർവീസ് സഹകരണ ബാങ്ക് പ്രസിഡന്റ് മുരളീധരൻ, പടിയൂർ ക്ഷീരസംഘം പ്രസിഡന്റ് ഡോ. ടി.കെ. ഉണ്ണികൃഷ്ണൻ, എടതിരിഞ്ഞി ക്ഷീര സംഘം പ്രസിഡന്റ് മോഹൻദാസ്, എച്ച്ഡിപി സമാജം പ്രസിഡന്റ് മനോജ്, എടതിരിഞ്ഞി കോൾ കർഷകസംഘം പ്രസിഡന്റ് രാധാകൃഷ്ണൻ, പോത്താനി കിഴക്കേപ്പാടം നെല്ലുൽപാദക സമൂഹം സെക്രട്ടറി ജിജു പൈലൻ, പൂമംഗലം പടിയൂർ കോൾ കർഷകസംഘം സെക്രട്ടറി മണി, കാർഷിക വികസന സമിതി പ്രതിനിധി രാമകൃഷ്ണൻ, ജില്ലാ കാർഷിക വികസന സമിതി അംഗം ഒ.എസ്. വേലായുധൻ എന്നിവർ ആശംസകൾ നേർന്നു.
പടിയൂർ പഞ്ചായത്ത് മെമ്പർമാർ, കാർഷിക വികസന സമിതി അംഗങ്ങൾ, കർഷകർ, ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.
വിവിധ വിഭാഗങ്ങളിലായി 11 മികച്ച കർഷകരെ ആദരിച്ചു.
ആദരിക്കപ്പെട്ട കർഷകർക്ക് എടതിരിഞ്ഞി സർവീസ് സഹകരണ ബാങ്ക് ക്യാഷ് അവാർഡ് സ്പോൺസർ ചെയ്തു.
മികച്ച നെൽ കർഷകനായി കെ.എസ്. സരസൻ കൈപ്പുള്ളിപ്പടി, മികച്ച സമ്മിശ്ര കർഷകനായി ടി.കെ. സുനിൽകുമാർ ടെക് അറക്കൽ, മികച്ച മുതിർന്ന കർഷകനായി രാജഗോപാലൻ പുരയാറ്റ്, മികച്ച കേര കർഷകനായി ജയരാജൻ അണക്കത്തി പറമ്പിൽ, മികച്ച ജൈവകർഷകയായി സിൽവി ഷാജി ഏറുള്ളി, മികച്ച എസ്സി കർഷകയായി ബിന്ദു കടവത്ത്, മികച്ച വനിതാ കർഷകയായി വി.ബി. പ്രേമലത വലൂപറമ്പിൽ, മികച്ച കർഷക തൊഴിലാളിയായി ശാന്ത വേലായുധൻ വട്ടപ്പറമ്പിൽ, മികച്ച ക്ഷീരകർഷകനായി ശിവരാമൻ എടച്ചാലി, മികച്ച വിദ്യാർഥി കർഷകനായി എ.വി. സാമുവേൽ, മികച്ച യുവകർഷകനായി ശരത്ത് പോത്താനി കുഞ്ഞിലിക്കാട്ടിൽ എന്നിവരെയാണ് ആദരിച്ചത്.
