ഇരിങ്ങാലക്കുട : നാഷണൽ ഹയർ സെക്കൻഡറി സ്കൂളിലെ ക്രിസ്തുമസ് ത്രിദിന സ്റ്റുഡൻ്റ് പൊലീസ് കേഡറ്റ് ക്യാമ്പ് സമാപിച്ചു.
മൂന്ന് ദിവസങ്ങളിലായി നടന്ന ക്യാമ്പിൽ കളരിപ്പയറ്റ് പരിശീലനം, യോഗാ പരിശീലനം, ജെൻഡർ ഇക്വാലിറ്റി പരിശീലനം, ഓൺലൈൻ നവമാധ്യമങ്ങളിലെ അച്ചടക്കം എന്നീ വിഷയങ്ങളെ കുറിച്ച് പ്രഗത്ഭർ ക്ലാസെടുത്തു.
കുട്ടികളുടെ ക്യാമ്പും പരേഡും എസ്.പി.സി. പദ്ധതിയുടെ റൂറൽ ജില്ലാ നോഡൽ ഓഫീസറായ അഡീഷണൽ എസ്പി ടി.എസ്. സനോജ് നേരിട്ടെത്തി അവലോകനം ചെയ്തു.
ക്യാമ്പിൻ്റെ അവസാന ദിവസം കുട്ടികൾ ഇരിങ്ങാലക്കുട പൊലീസ് സ്റ്റേഷനും ഡോഗ് സ്ക്വാഡ് വിഭാഗവും സന്ദർശിച്ച് പ്രവർത്തനങ്ങൾ വിലയിരുത്തി.
ക്യാമ്പിന്റെ സമാപന സമ്മേളനം ഇരിങ്ങാലക്കുട നഗരസഭാംഗം ശ്രീലക്ഷ്മി മനോജ് ഉദ്ഘാടനം ചെയ്തു.
പി.ടി.എ. പ്രസിഡൻ്റ് അനിത് അധ്യക്ഷത വഹിച്ചു.
മികച്ച ക്യാമ്പ് കേഡറ്റുകളായി അവ്യുക്ത് കൃഷ്ണ, ആയിഷ ബീഗം എന്നിവരെ തിരഞ്ഞെടുത്തു.
ക്യാമ്പ് പ്രവർത്തനത്തിന് സിപിഒ ശ്രീകൃഷ്ണൻ, അധ്യാപിക രഞ്ജിനി എന്നിവർ നേതൃത്വം നൽകി.
