ഇരിങ്ങാലക്കുട : 10, 12 ക്ലാസ്സുകളിലെ സിബിഎസ്ഇ ബോർഡ് പരീക്ഷയിൽ ഉന്നതവിജയം നേടിയ വിദ്യാർഥികളെ അനുമോദിക്കുന്നതിനായി ഭാരതീയ വിദ്യാഭവനിൽ മെറിറ്റ് ഡേയും എംഎൽഎ എജ്യുക്കേഷൻ എക്സലൻസി പുരസ്കാരവിതരണവും നടത്തി.
അഡ്വ. തോമസ് ഉണ്ണിയാടൻ എംഎൽഎ ഉദ്ഘാടനം ചെയ്തു.
ചെയർമാൻ ടി.എ. നായർ അധ്യക്ഷത വഹിച്ചു.
എംഎൽഎ എക്സലൻസി അവാർഡ് ചീഫ് കോർഡിനേറ്റർ മിനി മോഹൻദാസ് വിശിഷ്ടാതിഥിയായിരുന്നു
എംഎൽഎ എക്സലൻസി അവാർഡ് കോർഡിനേറ്റർ സേതുമാധവൻ, വൈസ് ചെയർമാൻ സി. നന്ദകുമാർ, സെക്രട്ടറി വി. രാജൻ, പ്രിൻസിപ്പൽ ബിജു ഗീവർഗ്ഗീസ്, വൈസ് പ്രിൻസിപ്പൽമാരായ സുജാത രാമനാഥൻ, ഗിരിജ മേനോൻ, പി.ടി.എ. പ്രസിഡൻ്റ് റാണി പ്രദീപ്കുമാർ എന്നിവർ ചടങ്ങിൽ പങ്കെടുത്തു.
10, 12 ക്ലാസ്സുകളിലെ പരീക്ഷകളിൽ സ്കൂളിൽ ഒന്നും രണ്ടും മൂന്നും സ്ഥാനങ്ങൾ നേടിയ വിദ്യാർഥികളെയും 90 ശതമാനത്തിനു മുകളിൽ മാർക്ക് നേടിയ വിദ്യാർഥികളെയും ചടങ്ങിൽ സമ്മാനങ്ങൾ നൽകി അനുമോദിച്ചു.
100% വിജയം നേടിയ സ്കൂളിനുള്ള പുരസ്കാരം പ്രിൻസിപ്പൽ ബിജു ഗീവർഗ്ഗീസ് തോമസ് ഉണ്ണിയാടനിൽ നിന്ന് ഏറ്റുവാങ്ങി.
തോമസ് ഉണ്ണിയാടനെയെയും മിനി മോഹൻദാസിനെയും ചടങ്ങിൽ പൊന്നാട അണിയിച്ച് ആദരിച്ചു.
വരുംകാല പരീക്ഷകളിൽ മുഴുവൻ മാർക്കും ലക്ഷ്യം കണ്ട് ആത്മവിശ്വാസത്തോടെ മുന്നേറണമെന്ന് തോമസ് ഉണ്ണിയാടൻ എംഎൽഎ വിദ്യാർഥികളോട് പറഞ്ഞു.
