ഇരിങ്ങാലക്കുട : ജനുവരി മുതൽ ഡിസംബർ വരെ ഒരു വർഷം നീണ്ടു നിൽക്കുന്ന ആനന്ദപുരം എൻഎസ്എസ് കരയോഗത്തിൻ്റെ സുവർണ്ണ ജൂബിലി ആഘോഷങ്ങൾക്ക് തുടക്കം കുറിച്ച് മന്ത്രി ഡോ ആർ ബിന്ദു ഉദ്ഘാടനം നിർവഹിച്ചു.
ചട്ടമ്പിസ്വാമി മുതൽ ഭാരത കേസരി മന്നത്തു പത്മനാഭൻ ഉൾപ്പെടെയുള്ളവർ തുടങ്ങിവച്ച നവോത്ഥാന മുന്നേറ്റങ്ങൾ ഈ വർത്തമാനകാലത്തും പ്രസക്തമാണെന്നും സമൂഹത്തിൽ അരികുവൽക്കരിക്കപ്പെടുന്നവർക്ക് ഒരു കൈത്താങ്ങ് നൽകുന്ന ഏതൊരു പ്രവർത്തനവും ശ്ലാഘനീയമാണെന്നും മന്ത്രി പറഞ്ഞു.
ഗുരുവായൂർ ദേവസ്വം ചെയർമാൻ ഡോ വി കെ വിജയൻ മുഖ്യാതിഥിയായി.
ആനന്ദപുരം കരയോഗം പ്രസിഡന്റ് പി എം രമേശ് അധ്യക്ഷത വഹിച്ചു.
യൂണിയൻ പ്രതിനിധി ബിന്ദു ജി മേനോൻ, മഠത്തിൽ ശങ്കരൻകുട്ടി എന്നിവർ ആശംസകൾ അർപ്പിച്ചു.
കരയോഗം സെക്രട്ടറി ഉണ്ണികൃഷ്ണൻ സ്വാഗതവും വനിതാ സമാജം സെക്രട്ടറി സുമ ശിവാനന്ദൻ നന്ദിയും പറഞ്ഞു.
