ഇരിങ്ങാലക്കുട : വെള്ളാങ്ങല്ലൂർ പഞ്ചായത്തിൽ യു ഡി എഫ് മുന്നണി ബന്ധം അവസാനിപ്പിച്ച് മുസ്ലീം ലീഗ്.
കഴിഞ്ഞ തദ്ദേശ തെരഞ്ഞെടുപ്പിൽ 2 സീറ്റ് ആവശ്യപ്പെട്ടെങ്കിലും ഒരു സീറ്റ് മാത്രമാണ് യു ഡി എഫ് മുസ്ലീം ലീഗിന് നൽകിയിരുന്നത്. അടുത്ത തെരഞ്ഞെടുപ്പിൽ രണ്ട് സീറ്റ് മുസ്ലീം ലീഗിന് നൽകാമെന്ന് അന്ന് യു ഡി എഫ് ഉറപ്പു നൽകുകയും ഇതു സംബന്ധിച്ച കരാറിൽ ഒപ്പു വെയ്ക്കുകയും ചെയ്തിരുന്നുവത്രേ.
21 വാർഡുകളായിരുന്ന വെള്ളാങ്ങല്ലൂർ പഞ്ചായത്തിൻ്റെ ഭൂപടത്തിൽ ഇപ്രാവശ്യം 2 അധിക വാർഡുകൾ കൂടി ചേർക്കപ്പെട്ടിട്ടും പരസ്പരം ഉണ്ടായിരുന്ന കരാർ ലംഘിച്ച് മുസ്ലീം ലീഗിന് യുഡിഎഫ് സീറ്റ് നിഷേധിക്കുകയായിരുന്നു. ഇപ്പോഴും ഒരു സീറ്റ് മാത്രമേ നൽകാനാവൂ എന്ന നിലയിലാണ് കോൺഗ്രസ് മണ്ഡല നേതൃത്വം.
ഇതേ തുടർന്നാണ് യുഡിഎഫ് മുന്നണി വിടാൻ മുസ്ലീം ലീഗ് തീരുമാനിച്ചതെന്ന് പാർട്ടി വൃത്തങ്ങൾ അറിയിച്ചു.
Leave a Reply