ഇരിങ്ങാലക്കുട : കൂടൽമാണിക്യം ക്ഷേത്രത്തിൽ എത്തിച്ചേരുന്ന നാലമ്പല തീർത്ഥാടകർക്കായി ശനി, ഞായർ ദിവസങ്ങളിൽ അന്നദാനം നടത്തുമെന്ന് ഇരിങ്ങാലക്കുട സേവാഭാരതി അറിയിച്ചു.
രാവിലെ 10 മണിക്ക് ആരംഭിക്കുന്ന അന്നദാനം വൈകീട്ട് 3 മണി വരെ തുടരും. ഇപ്രാവശ്യം അന്നദാനത്തിനു വേണ്ടി വിപുലമായ ഒരുക്കങ്ങളാണ് സേവാഭാരതി ഒരുക്കിയിട്ടുള്ളത്.
ഒരേ സമയം അഞ്ഞൂറോളം പേർക്ക് ഭക്ഷണം കഴിക്കാവുന്ന രീതിയിലാണ് സജ്ജീകരിക്കുന്നത്. ഓരോ ദിവസവും ഏകദേശം 5000ൽ പരം ഭക്തരെയാണ് സേവാഭാരതിയുടെ അന്നദാന മഹായജ്ഞത്തിലേക്ക് പ്രതീക്ഷിക്കുന്നത്.
അന്നദാനത്തിൻ്റെ ഉദ്ഘാടനം കൂടൽമാണിക്യം ക്ഷേത്രം തന്ത്രി ബ്രഹ്മശ്രീ വല്ലഭൻ നമ്പൂതിരിപ്പാട് ജൂലൈ 19 ശനിയാഴ്ച രാവിലെ 10 മണിക്ക് നിർവ്വഹിക്കും.
സേവാഭാരതിയുടെ മാതൃസമിതിയും അന്നദാന സമിതിയും അന്നദാനത്തിന് നേതൃത്വം നൽകും.
Leave a Reply