ഇരിങ്ങാലക്കുട : ഭാരതീയ വിദ്യാഭവനിലെ പ്രവേശനോത്സവം ‘ഭവ്യോത്സവം’ എന്ന പേരിൽ വർണ്ണാഭമായ പരിപാടികളോടെ ആഘോഷിച്ചു.
ഇരിങ്ങാലക്കുട എഎസ്ഐ പി.എ. ഡാനി ഉദ്ഘാടനം ചെയ്തു. അദ്ദേഹം സ്കൂൾ അസംബ്ലിയിൽ നടന്ന സൈബർ സുരക്ഷാ പ്രതിജ്ഞയ്ക്ക് നേതൃത്വം നൽകുകയും ചെയ്തു.
ചെയർമാൻ ടി.എ. നായർ അധ്യക്ഷനായിരുന്നു.
എക്സിക്യൂട്ടീവ് വൈസ് ചെയർമാൻ സി. നന്ദകുമാർ, സെക്രട്ടറി വി. രാജൻ, പ്രിൻസിപ്പൽ ബിജു ഗീവർഗീസ്, മാനേജ്മെന്റ് കമ്മിറ്റി അംഗങ്ങളായ എം. സുകുമാരൻ, ഡോ. നാരായണൻകുട്ടി, പി.കെ. ഉണ്ണികൃഷ്ണൻ, വൈസ് പ്രിൻസിപ്പൽ സുജാത രാമനാഥൻ, പ്രൈമറി വിഭാഗം മേധാവി ഷാലി ഗിരീഷ്കുമാർ എന്നിവർ സന്നിഹിതരായിരുന്നു.
നൃത്തപരിപാടികൾ, ഗാനങ്ങൾ എന്നിവ ഉൾക്കൊള്ളിച്ച കലാവിരുന്നും ഉണ്ടായിരുന്നു.
അധ്യാപകരായ രജനി അജയൻ സ്വാഗതവും അശ്വതി നന്ദിയും പറഞ്ഞു.
