കൊടുങ്ങല്ലൂർ : സമൂഹശരീരത്തെ ധാർമ്മികമായി നിലനിർത്തുന്നതിലും കുടുംബ ബന്ധങ്ങളെ മൂല്യച്യുതിയിൽ നിന്നു സംരക്ഷിക്കുന്നതിലും രാമായണം പോലുള്ള ഇതിഹാസങ്ങൾ വളരെ വലിയ പങ്കാണ് വഹിച്ചു കൊണ്ടിരിക്കുന്നതെന്ന് സ്വാമി നന്ദാത്മജ അഭിപ്രായപ്പെട്ടു.
മാർഗ്ഗദർശക മണ്ഡലത്തിന്റെ നേതൃത്വത്തിൽ ഒക്ടോബർ മാസത്തിൽ നടക്കുന്ന ധർമ്മ സന്ദേശ യാത്രയുടെ പ്രചാരണാർത്ഥം കൊടുങ്ങല്ലൂർ തിരുവള്ളൂർ മഹാദേവ ക്ഷേത്രത്തിൽ നടന്ന രാമായണ വിചാരണ സത്രം ഉദ്ഘാടനം ചെയ്ത് സംസാരിക്കുകയായിരുന്നു സ്വാമിജി.
തുളസീദാസ രാമായണമായ രാമചരിതമാനസാണ് മഹാത്മജിയുടെ ധാർമ്മിക ജീവിതം ചിട്ടപ്പെടുത്തിയത്.
സ്വാമി വിവേകാനന്ദൻ പറഞ്ഞതു പോലെ അനാവശ്യ ചിന്തകൾ അകറ്റി നിർത്തിയാൽ ഏതൊരുവനും ജീവിത വിജയം കൈവരിക്കാമെന്നും, ഇത് രാമനാമജപത്തിലൂടെ സാധ്യമാണെന്നും അദ്ദേഹം കൂട്ടി ചേർത്തു.
തിരുവള്ളൂർ മഹാദേവ ക്ഷേത്ര ഭരണ സമിതി പ്രസിഡന്റ് ഉദയഭാനു അധ്യക്ഷത വഹിച്ചു.
ധർമ്മ സന്ദേശ യാത്ര സംയോജകൻ ഹരിദാസ് സ്വാഗതവും, തിരുവള്ളൂർ മഹാദേവ ക്ഷേത്ര മാതൃസമിതി സെക്രട്ടറി ധന്യ സെൽവകുമാർ നന്ദിയും പറഞ്ഞു.
ഏകദേശം ഇരുന്നൂറോളം പേർ പങ്കെടുത്ത യോഗത്തിൽ ഗ്രാമ ഗ്രാമാന്തരങ്ങളിൽ രാമായണ സന്ദേശം എത്തിക്കാൻ തീരുമാനം എടുത്തു.
Leave a Reply