ഇരിങ്ങാലക്കുട : ആനന്ദപുരം ശ്രീകൃഷ്ണ ഹയർ സെക്കൻഡറി സ്കൂളിൽ റോഡ് സുരക്ഷാ ബോധവത്ക്കരണ പദ്ധതിക്ക് തുടക്കമായി.
കുറ്റൂക്കാരൻ ഗ്രൂപ്പ്, എസ് സി എം എസ് ഇൻസ്റ്റിറ്റ്യൂട്ട് ഓഫ് റോഡ് സേഫ്റ്റി ആൻഡ് ട്രാൻസ്പോർട്ടേഷൻ എന്നിവരുടെ സംയുക്താഭിമുഖ്യത്തിൽ നടപ്പിലാക്കി വരുന്ന റോഡ് സുരക്ഷാ ബോധവൽക്കരണ പദ്ധതിയുടെ ഉദ്ഘാടനം മുരിയാട് പഞ്ചായത്ത് അംഗം കെ വൃന്ദകുമാരി നിർവഹിച്ചു.
പിടിഎ പ്രസിഡന്റ് ടി എസ് മനോജ് കുമാർ അധ്യക്ഷത വഹിച്ചു.
എസ് സി എം എസ് ഓട്ടോമൊബൈൽ എൻജിനീയറിങ് വിഭാഗം അസി പ്രൊഫ പി വി അരവിന്ദ് പദ്ധതി വിശദീകരണം നടത്തി.
മാനേജ്മെന്റ് പ്രതിനിധി എ എൻ വാസുദേവൻ, സ്കൂൾ കോർഡിനേറ്റർ ബിന്ദു ജി കുട്ടി എന്നിവർ ആശംസകൾ നേർന്നു.
പ്രധാന അധ്യാപകൻ ടി അനിൽകുമാർ സ്വാഗതവും സ്റ്റാഫ് പ്രതിനിധി ബി ബിജു നന്ദിയും പറഞ്ഞു.
Leave a Reply