ഇരിങ്ങാലക്കുട : ശാന്തിനികേതൻ പബ്ലിക് സ്കൂളിൽ സംഘടിപ്പിച്ച എക്സ്ബിഷൻ ”സിനർജി” വിജ്ഞാനപ്രദവും കൗതുകകരവുമായി.
എസ് എം സി ചെയർമാൻ പി എസ് സുരേന്ദ്രനും ബി ഐ ടി എസ് കമ്പ്യൂട്ടർ എഞ്ചിനീയർ വിദ്യാർഥിയും ശാന്തിനികേതൻ പൂർവ്വ വിദ്യാർഥിയുമായ പ്രത്യുഷ് നായരും ചേർന്ന് ഉദ്ഘാടനം നിർവ്വഹിച്ചു.
പ്ലസ് വൺ സയൻസ് വിദ്യാർഥി ജോർജ് ജോജിയുടെ ഹൈഡ്രോളിക് തത്ത്വം ആസ്പദമാക്കിയ വർക്കിങ്ങ് മോഡൽ പ്രദർശിപ്പിച്ചായിരുന്നു ഉദ്ഘാടനം.
വിവിധ വിഷയങ്ങളുമായി ബന്ധപ്പെട്ട് കുട്ടികൾ തന്നെ നിർമ്മിച്ച വർക്കിങ്ങ് മോഡലുകൾ, സ്റ്റിൽ മോഡലുകൾ, റോബോട്ടുകൾ, ചാർട്ടുകൾ, പരീക്ഷണങ്ങൾ, പഴയ പുസ്തക ശേഖരണം, നാണയങ്ങൾ, പുരാവസ്തു പ്രദർശനം, കുട്ടികൾ തയ്യാറാക്കിയ കയ്യെഴുത്തു മാസികകൾ , നാടൻ ഭക്ഷണവും ആധുനിക ഭക്ഷണവും ഇവയെല്ലാം ചേർന്ന പ്രദർശനം വൈവിധ്യ സമ്പന്നമായി.
പ്രിൻസിപ്പൽ പി എൻ ഗോപകുമാർ, ഹെഡ്മിസ്ട്രസ് സജിത അനിൽ കുമാർ, കൺവീനർമാരായ സിന്ധു അനിരുദ്ധൻ, കെ ജെ നിഷ, വിവിധ ഡിപ്പാർട്ട്മെൻ്റ് മേധാവികൾ, അധ്യാപകർ എന്നിവർ
നേതൃത്വം നൽകിയ പരിപാടിയിൽ പി ടി എ പ്രസിഡന്റ് കെ കെ കൃഷ്ണകുമാർ, പി ടി എ പ്രതിനിധികൾ എന്നിവർ പങ്കെടുത്തു.
സയൻസ് ക്ലബ്ബ് സെക്രട്ടറി രുദ്രപ്രിയ നന്ദി പറഞ്ഞു.
Leave a Reply