ഇരിങ്ങാലക്കുട : ക്രൈസ്റ്റ് കോളെജിൽ സംഘടിപ്പിച്ച വിദ്യാർഥികളുടെ പഞ്ചായത്ത് കാലാവസ്ഥാ പാർലമെൻ്റ് മന്ത്രി ഡോ. ആർ. ബിന്ദു ഉദ്ഘാടനം ചെയ്തു.
സിദ്ധാന്തങ്ങൾ പ്രായോഗിക തലത്തിലേക്ക് എത്തിക്കാനുള്ള ലക്ഷ്യമാണ് പഞ്ചായത്ത് കാലാവസ്ഥാ പാർലമെൻ്റ് സംഘടിപ്പിക്കുക വഴി വിദ്യാർഥി സമൂഹത്തിന് കൈവന്നിരിക്കുന്നത് എന്ന് മന്ത്രി പറഞ്ഞു.
കിലയുടെയും ബ്രിംഗ് ബാക്ക് ഗ്രീൻ ഫൗണ്ടേഷൻ്റേയും മേൽനോട്ടത്തിൽ സംഘടിപ്പിച്ച പാലമെൻ്റിൽ ക്രൈസ്റ്റ് കോളെജ്, സെൻ്റ് ജോസഫസ് കോളെജ്, ഇ.കെ.എൻ. സെൻ്റർ എന്നിവർ പങ്കാളികളായി.
ഇരിങ്ങാലക്കുട മുൻസിപ്പാലിറ്റി, മുരിയാട്, പടിയൂർ, പൂമംഗലം പഞ്ചായത്തുകളിലെ കാലാവസ്ഥാ വ്യതിയാനവുമായി ബന്ധപ്പെട്ട വിവിധ വിഷയങ്ങളെ ആസ്പദമാക്കി തയ്യാറാക്കിയ റിപ്പോർട്ടുകൾ തദ്ദേശ സ്വയംഭരണ സ്ഥാപനങ്ങളിലെ പ്രതിനിധികൾ ഏറ്റുവാങ്ങി.
തുടർന്ന് വിദ്യാർഥികൾ നടത്തിയ മോക്ക് പാർലമെൻ്റിൽ ഈ വിഷയങ്ങളെ ആസ്പദമാക്കിയുള്ള ബില്ലുകൾ ചർച്ച ചെയ്ത് പാസ്സാക്കി.
ക്രൈസ്റ്റ് കോളെജ് മാനേജർ അധ്യക്ഷത വഹിച്ചു.
പ്രിൻസിപ്പൽ റവ. ഫാ. ഡോ. ജോളി ആൻഡ്രൂസ് സ്വാഗതം പറഞ്ഞു.
കില പ്രൊഫ. ഡോ. മോനിഷ്, ബ്രിംഗ് ബാക്ക് ഗ്രീൻ ഡയറക്ടർ അഖിലേഷ് അനിൽകുമാർ ഡോ. മാത്യു പോൾ ഊക്കൻ, ഡോ. എസ്. ശ്രീകുമാർ, നിധിൻ, തവനിഷ് കോർഡിനേറ്റർ മുവിഷ് മുരളി, ഡോ. ജോസ് കുര്യക്കോസ് എന്നിവർ പ്രസംഗിച്ചു.
ക്രൈസ്റ്റ് കോളെജിലെ സംഘടനകളായ തവനിഷ്, എൻ.എസ്.എസ്., സി.എസ്.എ., റീഡേഴ്‌സ് ക്ലബ്‌, വോയ്സ്‌ ക്ലബ്‌ എന്നിവരും പങ്കാളികളായി.
Leave a Reply