ഇരിങ്ങാലക്കുട : പൊറത്തിശ്ശേരി മഹാത്മാ എൽ പി ആൻഡ് യു പി സ്കൂളിന്റെ 65-ാം വാർഷികം, അധ്യാപക രക്ഷാകർത്തൃ ദിനം, മാതൃദിനം, യാത്രയയപ്പ് സമ്മേളനം എന്നിവ “ദ്യുതി 2കെ 25” എന്ന പേരിൽ ആഘോഷിച്ചു.
യോഗത്തിൽ മഹാത്മാ എഡ്യൂക്കേഷൻ ട്രസ്റ്റ് ചെയർമാൻ വി എം സുശിതാംബരൻ അധ്യക്ഷത വഹിച്ചു.
നഗരസഭ ചെയർപേഴ്സൺ മേരിക്കുട്ടി ജോയ് ഉദ്ഘാടനം നിർവഹിച്ചു.
ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ സി സി ഷിബിൻ വിരമിക്കുന്ന അധ്യാപികയുടെ ഫോട്ടോ അനാച്ഛാദനം ചെയ്തു.
ജില്ലാ പ്രോഗ്രാം ഓഫീസർ എസ്എസ്കെ ഡോ എൻ ജെ ബിനോയ് മുഖ്യാതിഥിയായി.
തുടർന്ന് കൗൺസിലർ എം എസ് സഞ്ജയ് എൻഡോവ്മെൻ്റ് വിതരണം ചെയ്തു.
പിടിഎ പ്രസിഡന്റ് സുനിത സുഗേഷ്, എസ് എസ് ജി അംഗം അനിൽ കുമാർ മാസ്റ്റർ, സ്റ്റാഫ് പ്രതിനിധി ദീപ മനോഹരൻ എന്നിവർ ആശംസകൾ അർപ്പിച്ചു.
സ്കൂൾ ലീഡർ തെരേസ റോസ് റിപ്പോർട്ട് അവതരിപ്പിച്ചു.
സ്കൂൾ ഹെഡ്മിസ്ട്രസ് പി ജി ബിന്ദു സ്വാഗതവും ഫസ്റ്റ് അസിസ്റ്റന്റ് എൻ പി രജനി നന്ദിയും പറഞ്ഞു.
തുടർന്ന് വിവിധ കലാപരിപാടികൾ അരങ്ങേറി.
Leave a Reply