ഇരിങ്ങാലക്കുട : കാലിക്കറ്റ് യൂണിവേഴ്സിറ്റി ഡി സോൺ കലോത്സവം നടക്കുന്ന മാള പൊലീസ് സ്റ്റേഷൻ പരിധിയിലെ മാള ഹോളി ഗ്രേസ് കോളെജിന്റെ ഒന്നാം നമ്പർ വേദിയുടെ മുന്നിൽ പരിപാടിയുടെ നടത്തിപ്പിലെ അപാകതകളെപ്പറ്റി ചോദിച്ചവരെ മുളവടി, ഇരുമ്പ് പൈപ്പ് എന്നിവ കൊണ്ട് ആക്രമിച്ച് ഗുരുതരമായി പരിക്കേല്പിച്ച കേസ്സിലെ പ്രതികൾ റിമാൻഡിൽ.
കോട്ടപ്പടി കുഴിക്കാട്ടിൽ വീട്ടിൽ മുരളീധരൻ മകൻ ഗോകുൽ, പനമുക്ക് തയ്യിൽ വീട്ടിൽ പ്രദീപ് മകൻ സച്ചിൻ, പരപ്പനങ്ങാടി പാറക്കണ്ണിത്തറയിൽ ദാസൻ മകൻ സുദേവ് എന്നിവരെയാണ് തൃശ്ശൂർ റൂറൽ ജില്ലാ പൊലീസ് മേധാവി ബി കൃഷ്ണകുമാർ ഐപിഎസിന്റെ നിർദേശാനുസരണം മാള പൊലീസ് സ്റ്റേഷൻ ഐ എസ് എച്ച് ഒ സജിൻ ശശി അറസ്റ്റ് ചെയ്തത്.
പ്രതികൾ ജുഡീഷ്യൽ കസ്റ്റഡിയിലാണ്.
Leave a Reply