ഇരിങ്ങാലക്കുട : ഗവ മോഡൽ ബോയ്സ് ഹയർ സെക്കണ്ടറി സ്കൂൾ എൻ. എസ്. എസ് യൂണിറ്റിന്റെ ആഭിമുഖ്യത്തിൽ സംഘടിപ്പിച്ച വായനാ പക്ഷാചരണത്തിൻ്റെയും പരിസ്ഥിതി ബോധവൽക്കരണത്തിൻ്റെയും സമാപന ചടങ്ങുകൾ നഗരസഭ വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ അഡ്വ. ജിഷ ജോബി ഉൽഘാടനം ചെയ്തു.
ചടങ്ങിൽ പി. ടി. എ. പ്രസിഡന്റ് വി ഭക്തവത്സലൻ അധ്യക്ഷത വഹിച്ചു.
മുഖ്യാതിഥികളായി പങ്കെടുത്ത നഗരസഭയിലെ ഹരിതകർമ്മ സേനാംഗങ്ങൾ മാലിന്യ നിർമ്മാർജനത്തിന്റെ അവശ്യകതകളെ
കുറിച്ചും, രീതികളെ കുറിച്ചും വിശദീകരിച്ചു.
വിവിധ മത്സരവിജയികൾക്കുള്ള സമ്മാനദാനവും അഡ്വ ജിഷ ജോബി നിർവ്വഹിച്ചു.
പ്രിൻസിപ്പാൾ എം കെ മുരളി സ്വാഗതവും, എൻ. എസ്. എസ് പ്രോഗ്രാം ഓഫീസർ എൻ വി വിനുകുമാർ നന്ദിയും പറഞ്ഞു.
Leave a Reply