കുപ്രസിദ്ധ ഗുണ്ട കണ്ഠേശ്വരം സജിഷ്ണുവിനെ കാപ്പ ചുമത്തി നാടുകടത്തി

ഇരിങ്ങാലക്കുട : കുപ്രസിദ്ധ ഗുണ്ട കൊരുമ്പിശ്ശേരി കണ്‌ഠേശ്വരം തെക്കേമഠത്തില്‍ വീട്ടില്‍ സജിഷ്ണുവിനെ (22) ആറു മാസത്തേക്ക് കാപ്പ ചുമത്തി നാടു കടത്തി.

ഇരിങ്ങാലക്കുട, കാട്ടൂർ, പുതുക്കാട്, തൃശ്ശൂർ ഈസ്റ്റ് പൊലീസ് സ്റ്റേഷനുകളിലായി രണ്ട് വധശ്രമക്കേസിലും, മോഷണക്കേസിലും, ലഹരിക്കടിമപ്പെട്ട് പൊതുജനശല്യമുണ്ടാക്കിയ രണ്ടു കേസിലും, മയക്കുമരുന്ന് ഉപയോഗിച്ച രണ്ടു കേസിലും അടക്കം ഏഴു ക്രിമിനൽ കേസുകളിലെ പ്രതിയാണ് സജിഷ്ണു .

2025ൽ മാത്രം ഇതുവരെ തൃശൂർ റൂറൽ ജില്ലയിൽ 40 പേരെ കാപ്പ പ്രകാരം ജയിലിൽ അടച്ചു. 107 ഗുണ്ടകളുടെ പേരിൽ കാപ്പ ചുമത്തി. 67 പേർക്കെതിരെ കാപ്പ പ്രകാരം നാടുകടത്തിയും മറ്റുമുള്ള നടപടികളും സ്വീകരിച്ചു.

“ഓപ്പറേഷൻ കാപ്പ” പ്രകാരം കൂടുതൽ ഗുണ്ടകൾക്കെതിരെ കാപ്പ ചുമത്തുന്നതിന് നടപടി സ്വീകരിച്ചു വരുന്നതായി റൂറൽ ജില്ലാ പൊലീസ് അറിയിച്ചു.