ഇരിങ്ങാലക്കുട : ഇരിങ്ങാലക്കുടയുടെ നാട്ടുത്സവമായ വർണ്ണക്കുട മഹോത്സവത്തിന് കൊടിയിറങ്ങി.
സമാപനദിനത്തിൽ സാംസ്കാരിക സമ്മേളനം ജയരാജ് വാരിയർ ഉദ്ഘാടനം ചെയ്തു.
വർണ്ണക്കുട സ്വാഗതസംഘം ചെയർപേഴ്സനും മന്ത്രിയുമായ ഡോ ആർ ബിന്ദു അധ്യക്ഷത വഹിച്ചു.
ജില്ല പഞ്ചായത്ത് പ്രസിഡന്റ് വി എസ് പ്രിൻസ് മുഖ്യാതിഥിയായിരുന്നു.
സമ്മേളനത്തിൽ അയ്യപ്പക്കുട്ടി ഉദിമാനം, പല്ലൊട്ടി ടീം ജിതിൻ രാജ്, നീരജ് കൃഷ്ണ, ദീപക് വാസൻ, ഷാരോൺ ശ്രീനിവാസ്, കരിങ്കാളി ടീം കണ്ണൻ മംഗലത്ത്, ഷൈജു അവറാൻ, സജു ചന്ദ്രൻ, സാവിത്രി അന്തർജനം, വൈഗ കെ സജീവ്, സാന്ദ്ര പിഷാരടി എന്നിവരെയും വർണ്ണക്കുടയുമായി സഹകരിച്ച നൃത്താധ്യാപകരെയും സമ്മേളനത്തിൽ ആദരിച്ചു.
ജില്ലാ പഞ്ചായത്തംഗങ്ങൾ, മണ്ഡലത്തിലെ വിവിധ ബ്ലോക്ക് പഞ്ചായത്ത്, നഗരസഭ, പഞ്ചായത്ത് പ്രസിഡൻ്റുമാർ, സ്റ്റാൻഡിംഗ് കമ്മിറ്റി ചെയർമാൻമാർ, വിവിധ സഹകരണ ബാങ്ക് പ്രസിഡൻ്റുമാർ എന്നിവർ ചടങ്ങിൽ പങ്കെടുത്തു.
ഇരിങ്ങാലക്കുട മുനിസിപ്പൽ ചെയർപേഴ്സൺ മേരിക്കുട്ടി ജോയ് സ്വാഗതവും സ്റ്റേജ് കമ്മിറ്റി ചെയർപേഴ്സൺ അഡ്വ കെ ആർ വിജയ നന്ദിയും പറഞ്ഞു.
Leave a Reply