ഇരിങ്ങാലക്കുട : വള്ളിവട്ടം ഗവ യു പി സ്കൂൾ ശതാബ്ദി ആഘോഷങ്ങളുടെ സമാപന സമ്മേളനം ഫെബ്രുവരി 19ന് നടക്കുമെന്ന് സംഘാടക സമിതി ഭാരവാഹികൾ അറിയിച്ചു.
ഡിസംബർ 29ന് നിശ്ചയിച്ചിരുന്ന പരിപാടി മുൻ പ്രധാനമന്ത്രി മൻമോഹൻ സിംഗിന്റെ വേർപാട് മൂലം മാറ്റി വെക്കുകയാണുണ്ടായത്.
ഫെബ്രുവരി 19ന് വൈകീട്ട് 4 മണിക്ക് വർണ്ണാഭമായ ഘോഷയാത്രയോടെ പരിപാടികൾക്ക് തുടക്കം കുറിക്കും.
സമാപന സമ്മേളനം ബെന്നി ബെഹനാൻ എം പി ഉദ്ഘാടനം ചെയ്യും.
അഡ്വ വി ആർ സുനിൽ കുമാർ എം എൽ എ അധ്യക്ഷത വഹിക്കും.
യോഗത്തിൽ ഗുരുവന്ദനം, വിശിഷ്ട വ്യക്തികളെ ആദരിക്കൽ, തുടങ്ങിയ ചടങ്ങുകൾ ഉണ്ടായിരിക്കും.
സമ്മേളനാനന്തരം ട്രാക്ക്സ് ബീറ്റ്സ് അവതരിപ്പിക്കുന്ന ഗാനമേളയും അരങ്ങേറുമെന്ന് സംഘാടക സമിതി ചെയർമാൻ നിഷ ഷാജി, ജനറൽ കൺവീനർ ബീന, കൺവീനർ കമാൽ കാട്ടകത്ത് എന്നിവർ അറിയിച്ചു.
Leave a Reply